fbpx
November 28, 2022

Aterizahe sospechoso: Dos Piloto a baha cu jet sin avisa marduga na aeropuerto

Share on Facebook
Share on Whatsapp
0
0
Aterizahe Sospechoso: Dos Piloto a baha cu Jet Hawker N834MM sin avisa marduga na airport di Aruba
Aterizahe Sospechoso: Dos Piloto a baha cu Jet Hawker N834MM sin avisa marduga na airport di Aruba

Ya for di trempan mey anochi diferente yamada tabata drenta uno tras di otro pa un avion cu tabata bula hopi abou. E avion a pasa varios biaha hopi abou riba pista djey lanta bek. Habitantenan a cuminsa keha di e desordo cu e avion tabata ocasiona y strobanan di drumi.

Despues di varios pase abou riba pista a baha sin problema. Autoridad y seguridad di airport a bati alarma mesora na Polis. A pidi unidadnan Policial pa presenta cu urgencia na aeropuerto pasobra un avion a baha sin cu e tin un plan di vuelo pa Aruba. Na yegada di Polis nan a bay cu security di airport na e avion. A keda riba un distancia pa asina por a sigui di cerca e movecion di esnan den e avion.

Alarma grandi na airport: Polisnan cu hopi cautela preparando pa aborda avion pirata

Posted by 24ora on Monday, March 16, 2020

Finalmente a logra yega den contacto cu ambos persona den e avion. Tabata un Piloto y Co Piloto cu tabata den e avion Jet cu matricula N834MM. Seis unidad di Polis a presenta. A avisa mesora tambe e hefenan di Polis. Asina a cuminsa cu un investigacion. A mira cu tanto e piloto como e co piloto tabata tin nan uniform di piloto bisti. A listranan y pone ambos na boei riba vloer cerca di e parti dilanti di e avion. Djey Polis a drenta e avion pa asina mira si tin mas hende abordo. E avion ta parce cu a sali di Toluca pa Chetumal banda di 4or y 17 Dialuna atardi. Ta dos ciudad di Mexico. Awe den oranan di marduga diripente el a presenta na Aruba.

Aterizahe sorpresa: Avion a baha ilegalmente mey anochi na airport

Posted by 24ora on Monday, March 16, 2020

E avion ta un Hawker di 1983 y basta luhoso paden. E motibo cu el a yega Aruba no ta conoci. Durante dia lo tende mas di e presencia di e avion cu a yega manera un pirata riba pista na Aruba. Dos dogcatcher a presenta y nan a hiba ambos piloto separa for di otro pa wardanan separa tambe. Durante dia lo bay listra e avion completo pa mira si e tin of por tabata tin algo ilegal abordo.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.