fbpx
November 30, 2022

Coredornan di Corsou y Boneiro preparando tur cos pa bay bek nan pais

Share on Facebook
Share on Whatsapp
0
0
Coredornan di Corsou y Boneiro preparando tur cos pa bay bek nan pais
Coredornan di Corsou y Boneiro preparando tur cos pa bay bek nan pais

Coronavirus sigur a paralisa tur evento y actividad rond di Aruba y 24ora.com ta mustra pueblo di Aruba kico ta e efecto cu coronavirus ta treciendo pa nos.

Hopi actividad rond di e celebracion di Himno y Bandera a cancela pa e motibo aki, despues cu gobierno a decreta cu tur aglomeracion lo ta cancela entrante e momento ey, esta den kibra di fin di siman, te cu dia 31 di maart y cu despues lo evalua si esaki lo continua of por reanuda e actividadnan.

Pa e bishitantenan di Corsou y Boneiro, cu a bin Aruba specialmente pa e “ride”nan di custumber, el a cay specialmente duro, pasobra nan lo a haci nan di 23 ride di Camacuri na Aruba en conexion cu Aruba su Dia Nacional, pero awo nan a opta pa bay bek, manera nan a bin, cu tur nan 200 y pico brommer, mirando cu no tin nada mas di haci aki na Aruba.

Coronavirus a paralisa tur actividad y ta coriendo cu tur invitado for di Aruba

Posted by 24ora on Monday, March 16, 2020

Den e cura patras di Fast Delivery, a pone tur e brommernan pa wordo hinca den container, pa asina nan bay bek na nan pais di origen. Sigur hopi inversion a wordo haci. Pero nan no tabata tin motibo mas pa keda Aruba y a opta pa bandona nos isla mas lihe cu ta posibel, prome cu para cualkier trafico aereo entre e islanan aki. Ya caba tin varios anuncio haci cu lo paralisa vuelonan, etc. cu no lo por sali for di aeropuerto.

E grupo di coredonan di Aruba a compaña esnan di Corsou na Fast Delivery pa duna nan yudansa, un sosten, p’asina tur cos wordo poni bek den container y pa asina nan por sali pa Corsou. Ta situacionnan cu a presenta inespera cu a pone cu henter e situacion di celebracion a cambia na Aruba.

No por bay contra di boluntad di Dios. A para tur actividad y lo ta mas comprendibel pa tur para tur cos. Aworaki sinembargo tur hende mester tin cabes friu. No tin awa pa laba, pero e ta un perdida si, pero asina mester sigui.

Apesar di henter e situacion di e cancelacion, toch a bin algo positivo. Coredonan di Corsou a entrega ridernan di Camacuri un plakkaat como recuerdo toch di e di 23 edicion di e ride. Cosnan di naturalesa no ta den man di tur hende. A acepta con el a bay y cu e speransa cu e lo ta mas miho cu aworaki. E coredonan di Corsou ta gradici tur hende cu a pone cabes hunto y sigui dal bay manera semper a haci.

Awo, no ta keda nada otro di prepara tur cos pa otro aña pa e di 24 ride.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.