fbpx
November 29, 2022

Coronavirus: Cuater casino a dal porta cera temporalmente

Share on Facebook
Share on Whatsapp
0
0
Coronavirus: Cuater casino a dal porta cera temporalmente
Coronavirus: Cuater casino a dal porta cera temporalmente

E dos casinonan di Wind Creek, esta Crystal y Seaport Casino ta cera temporalmente. No ta nan so, sino Island Gaming, cu ta maneha e The Casino na Hilton Resort y Liv Casino na Barcelo tambe a anuncia cu nan ta cera tanten cu tin crisis di Coronavirus na Aruba. E trahadonan lo haci otro trabounan mientras cu e casinonan ta cera pa publico.

Awe e compania Wind Creek a anuncia cu debi na e peticion di Gobierno di Aruba relaciona cu Coronavirus pa practica distanciamento social, cu nan ta sostene e iniciativa aki dor di cera ambos casino. Nan a informa cu ora cu ta responsabel pa habri bek, nan lo haci esey atrobe. Pa e ora ey por sigui brinda servicio sigur y dependiente na Renaissance Aruba Resort & Casino. E casinonan ta cera den e marduga di dialuna pa diamars pa 4:00am.

Di otro banda Island Gaming cu ta maneha The Casino y Liv Casino tambe a tuma e mesun decision, di cera e dos casinonan pendiente pa bon un solucion pa e retonan pa salud publico reinando riba nos isla. Na momento cu ta responsabel pa nan empleadonan y nan huespednan ta hunto bou di un solo dak den un casino, e ora lo habri atrobe.

Gobierno a anuncia diadomingo anochi cu entrante mañan diamars lo no permiti turistanan yega Aruba mas riba avion. Lo nenga nan entrada na Aeropuerto pa cual mayoria aerolinea a anuncia caba di lo stop vuelonan pa nos isla. Pa awor lo ta solamente pa transporta e turistanan cu tin na Aruba ainda, pa nan pais natal. Bisando esey, e siguiente tres simannan lo ta keto pa cual mayoria negoshi lo manda trahadonan cas cu vakantie obligatorio y otronan hasta lo perde nan trabou.

Den e cuater casinonan aki, no a anuncia kico lo sosode cu e empleadonan, cu awor probablemente lo tuma vakantie y spera miho temponan na cas den seno di famia.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.