Un dia hopi malo caba pa Wall Street a finalisa e dia di awe cu un drop pisa. E dos instancianan cu ta guia e Stock Market S&P 500 y Dow Jones su indice a cera cu respectivamente 12 y 13 porciento den negativo.
Esey ta e dia cu mas perdida desde 1987, y esaki ta bini despues cu den e ultimo dos simannan ya caba tabatin caidanan dramatico registra.
E ultimo ola di benta a tuma luga durante e discurso di Donald Trump, ora cu el a bisa cu e epidemia di corona por dura te cu juli of augustus y cu esaki por conduci na un recesion.
E discurso di Trump a bini na final di dia ora cu e inversionistanan a sufri atrobe perdidanan grandi. Mesora despues di apertura di mercado, e transaccionnan a paralisa pa 15 minuut pa laga e inversionistanan hala rosea. E tabata di tres biaha den un siman cu a surgi bentanan di panico.
Mercadonan Europeo tambe a sufri perdidanan grandi, aunke na final a limita esaki un poco.
Recesion fuerte
“Inversionistanan mientrastanto ta sali di punto di bista cu tin un recesion fuerte,” segun e principal ehecutivo di mercado di ABN Amro, Mary Pieterse-Bloem. Banconan Central ta ahci nan esfuerso pa suavisa e dolor, “pero e bala ta den scochi di Gobiernonan, Trump, Merckel y Macron di e mundo aki. Nan mester bini cu medidanan di stimulacion.”
Diferente pais a anuncia paketenan di estimulo caba. Pero e mester ta mas concreto, segun Pieterse-Bloem. “E hendenan kier sa con y kico exactamente. Y e mester yega na tempo cerca e empresanan prome cu cosnan mas grandi sosode.”
Stress nunca asina halto
E gran pregunta ta con largo e situacion di e virus aki ta sigui, y cu mester di medidanan economico grandi pa wanta of limita e daño.
Tur e cos aki ta conduci na hopi incertidumbre pa mundo comercial.
