Prome Minister mr. Evelyn Wever-Croes a anuncia un rato pasa cu Aruba a conoce su di 4 caso di pashent confirma contagia cu Coronavirus. Ta trata aki di un hende homber, un turista Mericano cu a yega Aruba cu su señora pero no a keda den un hotel. Su señora tambe a haci test y ta sperando riba resultado. Ambos ta isola awor aki y Dienst Besmettelijke Ziektes ta controlando tur hende cu nan tabatin contacto cune. Esey nan ta yama “Contact Tracing”.
Minister Presidente mr. Evelyn Wever-Croes a sigura cu te na e momentonan aki, considerando e cas # 1, e casonan # 2 y 3 y awo e caso # 4, cu tur di nan ta casonan importa. Esey ta nifica cu e enfermedad no a plama na Aruba ainda, cu ta precisamente locual Gobierno ta purbando pa evita.
