fbpx
November 27, 2022

Digicel Aruba ta bon prepara pa sirbi comunidad di Aruba

Share on Facebook
Share on Whatsapp
0
0
Digicel Aruba ta bon prepara pa sirbi comunidad di Aruba
Digicel Aruba ta bon prepara pa sirbi comunidad di Aruba

Digicel Aruba, como compania di comunicacion di Aruba, ta un di esunnan responsabel pa mantene e infrastructura di telecomunicacion di pais Aruba durante tur momento. E ta un empresa vital y pa esaki nan ta percura pa duna servicio na clientenan, esta usuarionan, bou tur circunstancia. Esey ta loke Digicel Aruba ta haciendo y ta preparando. Aña den y aña afo nan ekipo tecnico constantemente ta den training pa cualkier momento dificil of calamidad, nan por percura cu e netwerk por sigui funciona pa no solamente miembornan di comunidad por comunica cu otro pero tambe por asisti den un forma di sistema di “emergency responder”.

Asina aki por yuda comunidad pasa informacion relevante p’e comunidad en general. Lincoln “Dello” Gomez, presidente di Digicel Aruba, a indica cu e ekipo tecnico ta haciendo esey y tin protocol na luga pa haci esey. E parti di ekipo administrativo ta cu a aplica cierto restriccion na e oficina principal. Tambe nan a habilita e tecnologia cu ta ofrece pa traha mas tanto posibel for di cas. Si mester ricibi hendenan na oficina ta dirigi esey den un forma basta pisa. E di 3 categoria ta e miembronan di ekipo, manera esun di Tanki Leendert. Ta atende clientenan cu ta yega pa asistencia sea tecnico of pa paga nan cuenta of cumpra carchi.

Digicel Aruba ta mira tur informacion disponibel, tur informacion cu ta considera relevante, y tambe e interes di team members, lo mantene e tiendanan habri cu orario normal. Pero cu algun restriccion di laga 2 persona drenta den tienda simultaneamente, tin sanitizer, tin suficiente espacio pa mantene e protocol. Tambe tin distancia entre e caheronan, team members y empleado.

Digicel Aruba ta bon prepara pa sirbi comunidad di Aruba

Digicel Aruba ta bon prepara pa sirbi comunidad di Aruba. Click e link pa mas https://24ora.tv/2TXD1J1

Posted by 24ora on Tuesday, March 17, 2020

No ta necesario cu clientenan mester yega na e oficina pa haci uzo di e servicionan, pasobra esunnan di post paid por bay online riba e website di Digicel Aruba y social media, unda cu tin informacionnan pa haci e pagonan online. Lo procesa e parti administrativo y continua cu e servicionan. Esnan cu tin prepaid por descarga e MyDigicel App riba e Google Store of App store, via esey por fia minuut y paga bek na momento di cumpra carchi. Of si cumpra carchi por comparti e minuutnan cu bo tin cu sernan keri, famia of amigonan. Un otro aplicacion cu tin na e momentonan aki ta cu si tin mas hende mester cumpra carchi, por palabra cu 1 ta yega na e tienda di Digicel y cumpra carchi of suficiente credito, y na su turno ta transfer esaki.

Segun Lincoln “Dello” Gomez cu riba rednan social nan a produci un video pa duna informacion na comunidad. Ademas di tur protocol cu ta manteniendo y lo sigui mantene, mester tene cuenta cu na momento di descuida un caminda ta habri nan mes pa riesgonan innecesario. “E telefon cu tin awendia ta un obheto cu ta pasa gran parti cerca nos, den nos man, den camisa y esey tambe por ta brote di contaminacion.” Riba e video eynan ta pone informacion con pa cuida telefon, e sanidad di e telefon. Percura no solamente pa proteha bo mes y sernan keri pero tambe pa evita cu e ta bay uza productonan cu kisas ta desinfecta e telefon, pero por daña e telefon tambe lagando un hende sin comunicacion den e temponan aki.

Segun Lincoln “Dello” Gomez cu riba rednan social nan a produci un video pa duna informacion na comunidad. Ademas di tur protocol cu ta manteniendo y lo sigui mantene, mester tene cuenta cu na momento di descuida un caminda ta habri nan mes pa riesgonan innecesario. “E telefon cu tin awendia ta un obheto cu ta pasa gran parti cerca nos, den nos man, den camisa y esey tambe por ta brote di contaminacion.” Riba e video eynan ta pone informacion con pa cuida telefon, e sanidad di e telefon. Percura no solamente pa proteha bo mes y sernan keri pero tambe pa evita cu e ta bay uza productonan cu kisas ta desinfecta e telefon, pero por daña e telefon tambe lagando un hende sin comunicacion den e temponan aki.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.