fbpx
December 08, 2022

Medidanan di Gobierno ta confirma menasa di COVID-19

Share on Facebook
Share on Whatsapp
0
0
Medidanan di Gobierno ta confirma menasa di COVID-19
Medidanan di Gobierno ta confirma menasa di COVID-19

Restriccionnan mester evita un situacion cu no por controla

*E plan oficial di calamidad mester di sosten di tur ciudadano

*Ley ta duna Gobierno poder pa actua contra tur traspaso 

Aruba ta adaptando su mes na un plan oficial cu Gobierno a introduci pa por confronta e situacion nacional cu a surgi den e caso di Coronavirus.

Na momento cu e bienestar di Aruba ta na peliger, Gobierno tin e poder legal pa tuma medidanan cu ta limita accionnan personal cu tin resultado pa comunidad.

Den tempo di guera, na momento di peligernan grandi di naturalesa, manera horcan, Gobierno tin e deber pa actua y introduci reglanan na bienestar di siguridad nacional y di cada ciudadano.

Ley ta exigi pa gobierno defende e ciudadano hasta contra e ciudadano mes.

Den e caso aki Gobierno a cambia e oranan cu hende ta traha, celebra of ta ocupa su mes actividadnan cu por considera publico.

Den tempo di guera gobierno ta impone toque de queda. Ora un pais bira victima di un desastre natural, tambe gobierno por dicidi riba comportacion publico pa kibra e menasa.

Na 2020 e coronavirus nobo, COVID 19, a bira un menasa grandi pa salud di hende.  Esaki ta haci cu e hende no por sostene su responsabilidad personal. Si gobierno no actua, problemanan di salud por paralisa henter Aruba den un situacion incontrolabel.

Na e momentonan aki, Aruba mester sostene e decisionnan di gobernacion cu tin un tarea special pa guia Aruba.

Ya por mira con di diferente instancia anuncio ta wordo haci di cambionan cu ta tuma luga. Publico mester tene su mes na esaki.

Por considera e decision pa stop actividad publico pa 10.00or di anochi, como un forma pa controla e bienestar di comunidad, cu no ta posibel si e coronavirus nobo haya oportunidad pa dicidi con e ta penetra pa destrui bienestar di Aruba.

DIARIO lo sigui informa Aruba y ta pidi sosten total di e decisionnan di gobierno na forma voluntario.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.