fbpx
November 30, 2022

Team di hoben deportista di Colombia pega na Aruba

Share on Facebook
Share on Whatsapp
0
0

Na Blue Village ta pega un grupo di hoben futbolista, kendenan no ta logra bandona Aruba pa drenta nan pais despues cu e competencia relaciona cu Himno y Bandera a keda posponi. Nan a yega Aruba dia 12 di maart. For di aña 1999 Colombia a bin ta participando y nunca a topa cu inconveniencia.

Awor cu henter e situacion di coronavirus, a haya nan mes obliga pa bolbe nan pais tempran ya cu e torneo a keda cancela. E cancelacion ta algo cu a bini despues cu a detecta dos caso di coronavirus na Aruba.

Coronavirus: Efecto pa ekipo di futbol Colombiano pega na Aruba

Posted by 24ora on Tuesday, March 17, 2020

Debi na e sitio aki a acerca e agencia di biahe pa haci e cambio y a bin topa topa cu e sorpresa cu e vuelonan a keda cancela. Avianca informa cu nan no ta tuma responsabilidad pa e hecho cu nan ta pega na Aruba. Nan no ta tuma ningun gasto relaciona cu e hecho cu nan no por bandona e pais,  ya cu ta bisa cu esaki ta algo di Gobierno.

A logra comunicacion cu Consulado di Colombia, pero tambe e reaccion ta negativo. No a haya ningun cooperacion cu nan no t’ey pa regla tipo di asuntonan asina. Un golpi duro y e unico ayudo tabata nomber di un persona cu por contact na oficina di Avianca.

E delegacion ta hopi preocupa, principalmente pa motibo cu e delegacion ta consisti den su mayoria door di muchanan bou di 12 aña y dos baby, ademas di algun adulto.

Despues di basta insistencia, Avianca a informa cu nan lo por habri vuelo si haya aprobacion di Gobierno, pasobra Presidencia a bisa cu ningun vuelo por yega e pais. Esaki nan no por a compronde, pasobra den noticia a scucha otro cos. Avianca a informa nan cu kisas pa dia 20 lo por tin un vuelo. Nan tin nan ekipahe cla y por biaha cualkier momento cu bisa nan cu e avion t’ey pa hiba nan bek Colombia, segun Juan Pablo Garcia (lider di delegacion, consistiendo di 28 persona di cual mayoria ta menor di edad).

Banda di e delegacion aki, tin mas Colombia pega na Aruba.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.