fbpx
December 02, 2022

2 aña y 6 luna di prison exigi pa homber sospecha di a abusa di dos mucha

Share on Facebook
Share on Whatsapp
0
0
2 aña y 6 luna di prison exigi pa homber sospecha di a abusa di dos mucha
2 aña y 6 luna di prison exigi pa homber sospecha di a abusa di dos mucha

ORANJESTAD (AAN) – E caso penal contra e sospechoso C., no a wordo trata completamente. Despues cu Fiscal a exigi castigo, riba peticion di abogado di e sospechoso, mr. Mohamed, Hues a dicidi di pospone e caso. 

ABUSO DI DOS MUCHA

E acusacionnan cu Fiscal a presenta den Corte di Husticia contra e homber C. ta cu el a abusa di dos mucha muher menor di edad entre Maart y Mei 2019.

Tratamento di e caso a tuma lugar caminda Hues a confronta C. cu e acusacionnan.  Ta asina cu den casonan di abuso hopi biaha ta declaracion di e victima contra e sospechoso. Den e caso aki tin dos victima. Ta asina cu e sospechoso ta desmenti. Fiscal na su turno a bisa Hues cu e ta haya C. culpable y a exigi 2 aña y 6 luna di prison.

MAS INVESTIGACION

Ta asina cu abogado mr. Mohamed ta haya cu falta mas claridad den e caso aki y a pidi pa mas investigacion. E ta referi aki na declaracion di un testigo cu ora di dos interogacion, el a dicidi di hala su declaracion aden. E abogado ta haya cu e declaracion aki ta hopi importante pa determina si su cliente ta culpable of no. El a mustra cu Fiscal si a usa e promer declaracion di e testigo pa usa como prueba contra su cliente.

POSPONE CASO

Hues a evalua e caso un rato y a dicidi cu ta pospone e caso. Hues ta haya cu mester check si e sospechoso a duna un di dos declaracion of si el a hala su declaracion aden. Si ta asina, Hues kier pa e testigo duna un otro declaracion na Polis den presencia di Fiscal y abogado mr. Mohamed.

E decision di Hues aki ta mustra enberdad cu e declaracion di e testigo ta importante pa e caso. Hues a dicidi cu ta pospone e caso pa 1 April 2020 caminda lo sigui cu e tratamento despues cu a haya e otro declaracion di e testigo.

 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.