fbpx
December 03, 2022

Adaptacionnan mas estricto pa bishitante di Hospital

Share on Facebook
Share on Whatsapp
0
0
Adaptacionnan mas estricto pa bishitante di Hospital
Adaptacionnan mas estricto pa bishitante di Hospital

Distanciamento social t’e yabi primordial pa contene y minimalisa riesgo di contagio y Hospital ya a tuma algun medida di precaucion cu a ser anuncia recientemente. Cu algun di e medidanan ya tuma Hospital a dicidi di bira mas estricto teniendo distanciamento social como e punto di salida.
For di ayera, 18 di maart en adelante orario di bishita lo ser adapta y minimalisa n’e orarionan di 11.30am pa 1pm y di 7pm pa 8pm.

Durante e orario di bishita ta permiti solamente 1 (un)  bishitante mayor di edad (18 aña bay ariba) pa
pashentnan interna durante e orario di bishita stipula. Esaki ta nifica cu ta 1
(un) persona so por bishita e pashent durante 11.30am pa 1pm.

“Si p.e. dicidi di bandona Hospital prome cu orario di
bishita termina no por cambia cu un otro persona p’e subi y bishita.

E mesun regla ta na vigor pa orario di bishita di anochi. Tin
algun departamento cu excepcion y ta rekeri un dagpas manera Departamento di Mucha
y Maternidad. Si esaki t’e caso por fabor pasa y registra n’e miembro di seguridad
pa ricibi esaki”, asina Charlaine Huntington, Manager di dept. di Comunicacion
di Hospital ta splica.

Na momento di yega Hospital por fabor acudi na nos miembro di
seguridad den e lobby na entrada principal. Eynan ta ricibi un carchi cu e
number di kamber riba dje, cual t’e prueba pa por subi y haci e bishita.

Na momento di termina bo bishita mester entrega e carchi aki
bek cerca e personal di seguridad. Ban mantene e riesgo abou y minimalisa
bishita lo mas cu ta posibel. Sea creativo y ban haci uzo di tecnologia pa
asina comunica frecuentemente cu bo ser keri.

Tene bon na cuenta cu si bo ta un pashent cu ta Coronanavirus
positivo of sospechoso, ta permiti solamente 1 bishitante fiho y e mesun
persona aki SO por sigui bishitabo durante bo estadia completo.

Porfabor mantene un bon higiena di man haciendo uzo di nos
hand sanitizers situa na diferente lugarnan strategico na momento prome y
despues di haci bo bishita.

Si encaso bo tin un di e
sintomanan di coronavirus, esta keintura riba 38 grado, tos seco y falta di
rosea por fabor tuma contacto cu e callcenter institui pa Gobierno di Aruba na
telefon 2800101. P’asina combati contagio no acudi Huisartsenpost (dokter na
warda) y solamente acudi Departamento di Emergencia si encaso bo tin sintomanan
severo.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.