Diaranson algo pasa di 1 or marduga net na e rotonde frans figaroa na Boegoeroei/Shaba polis a para un ford explorer blanco, debi cu e doño di e auto tabata den un otro auto coriendo su tras debi cu el a presta un hende e auto pa un rato y no kier a entrege bek. Segun e dama ta informa polis el a presta e persona e auto cu a pidi’e pa un fabor chikito pero e dia a pasa y e homber no a entrega esaki mas ni yama y asina a sali busca su auto y a topa cun’e riba caminda. Polis a atende cu e homber debidamente a controla e auto wak si e por tabata tin algo scondi, e homber a duna e auto bek pa asina evita problema.
