fbpx
December 06, 2022

Arubiano na Hulanda ta pidi ayudo di Gobierno pa por drenta Aruba

Share on Facebook
Share on Whatsapp
0
0
Arubiano na Hulanda ta pidi ayudo di Gobierno pa por drenta Aruba
Arubiano na Hulanda ta pidi ayudo di Gobierno pa por drenta Aruba

Remitido

Mi ta un rubiano bibando na Hulanda pa 11 aña. Ora a yega pa mi bin mi pais bek pa biba, dus ma regel tur mi cosnan pa sali foi Hulanda. Ma book y paga pasashi one way ticket pa Aruba dia 3 maart 2020. Dia 9 maart mi a schrijf uit y dia 17 maart mi mester a bula pa Aruba.

Dia 17 di maart 2020,  ma bay Schiphol y yega tur na gate y eynan KLM a nengami rotundamente pa subi e vuelo. Ni mas con mi a splica nan cu mi ta naci na Aruba, mi ta uitgeschreven di Hulanda  y cu mi ta bayendo Aruba pa biba, nan no a lagami subi vuelo, paso mi no ta un ”ingezetene” di Aruba.

E situacion di mi awoki ta lo siguiente.

Mi no ta inscribi na NL mas, dus kier men mi no tin adres/ zorgverzekering/entrada, nada. Mi no tin derecho riba nada akinan mas.

Mi no por schrijf in ningun caminda tampoco.

Mi a tuma contacto cu Arubahuis, e instancia cu ta suppose di yudami pero nan a laba man y bisami cu nan no por haci nada pami.

Mi a tuma contacto cu mi huisarts, GGD, RIVM y gemeente Rotterdam y tur a bisami cu nan no por dunami ningun verklaring of test pa oronavirus pasobra mi no tin simptomanan.

Mi a papia cu assistent di ministro Oduber y ma splica cu mi no ta mind wordo getest/ poni den quarantina pa coronavirus paso mi sa cu mi ta cubri boa di e sanger di Jesus……Amen

Pa medio di e medio ki mi kier a haci un apelacion na gobierno pa lagami bin mi pais bek. Mi No ta infecta!!! y si gobierno no kier core e risico test mi numa.

Instancianan na Hulanda no ta lagami haci e test pa coronovirus, locual kiermeen cu mi no por prueba cu mi no ta infecta.

Te ainda mi no a tende nada mas di e assistent di ministro Oduber. Logicamente nan ta mas preocupa cu otro asuntonan.

Pero cu Dios su poder, lo mi no stop di bringa mi caso. Lo mi usa tur e medionan di comunicacion pa pone luz riba e situacion ki.

 

Sharmila Richards

 

 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.