Diamars madruga Aruba a bay den alerta momento cu un avion tabata circulando den espacio aereo di Aruba.
Tabata
den oranan di mey anochi cu por a scucha un zonido di motor den halto, pero no
por a mira esaki, debi cu e tabata bula luz paga.
Despues
di a bula como 4 pa 5 biaha a cende luz y ateriza sin autorisacion. E avion a
bay staciona unda e avion di KLM sa para, pero a wordo movi despues pa un otro
area p’asina trabou por sigui normalmente.
Esaki
a pone cu Airport Authority mesora a bati alarm y a avisa Polis cu a yega
mesora. Cu masha cautela a acerca e Jet, debi cu niun hende sa ken nan ta y cu
ki intencion nan a bin Aruba.
Despues
di basta rato e dos personanan cu lo tabata bula e avion a sali y a wordo poni
sinta abou.
A
pidi dos Transportwagen, cu a yega y den un caravana a sali direccion Warda di
Playa, unda cu tabatin dos Paramedico wardando pa checknan.
Eynan
por a mira cu mayoria Polis y tambe e dos paramediconan tabata bisti cu e mondkapje,
locual a bin ta bisa e lo no proteha bo.
E
avion lo tabatin destinacion Caracas. Pero no sa kico tabata e motibo cu a pone
baha na Aruba. No sa si nan lo por tabata sinti malo, cu a pida pa un ambulance
na stand by na Warda di Playa.
Dos
agente di Grens Politie tambe a yega den oranan di madruga na Playa, p’asina
sigui cu e investigacion.
E
avion aki lo a sali for di Mexico y destinacion final tabata Caracas, pero
Venezuela tambe tin tur aeropuerto sera y como tal nan no por a haya permiso pa
sigui bula y a dicidi, sin pidi permiso pa baha na Aruba.
