For di siman pasa caba, AZV ta haci esfuerso pa trece bek
e pacientenan cu a bay exterior pa tratamento medico y ta cla pa regresa Aruba.
Den weekend un cantidad di paciente y acompanante a bin bek.
Dor cu Avianca a stop di bula pa Aruba e situacion a bira
mas complica, pero AZV ta sigui haci tur posibel pa trece e personanan cu no
tin nodo mas di haya tratamento medico bek na Aruba. AZV tin contacto cu e
personanan ey y e Departamento Internacional di e clinicanan.
Pacientenan cu ta bezig cu un tratamento por keda na
Colombia y nan tratamento ta sigui normal.
Asegurado cu mester di
tratamento den exterior
Dor cu e frontera cu Colombia a cera no ta posibel pa
manda paciente nobo Colombia sin mas. AZV ta bezig hunto cu Gobierno di Aruba
pa bin na un palabracion cu e Gobierno di Colombia pa haya acuerdo pa manda nos
aseguradonan cu tin mester di cuido medico urgente y cu no tin Corona virus por
drenta Colombia.
Personanan cu mester di un tipo di tratamento den
exterior cu no ta urgente (levensbedreigend) lo tin cu warda por lo pronto.
Banda di e esfuerso pa manda paciente Colombia AZV ta
bezig cu un plan di back-up cu University of Miami. Den caso cu lo ta
necesario, AZV lo por manda paciente Merca pa tratamento.
Bay
dokter di cas
Si bo mester di cuido di dokter di cas, por fabor tuma
contact cu’ne via telefon y sigui e recomendacionnan cu bo ta haya di e oficina
di dokter di cas. No bay personalmente na dokter si e no ta absolutamente
necesario pa asina baha e chens di bin den contacto cu un persona cu tin e
virus.
Dokter ta yuda pacientenan cu ta urgente y si tin algo cu
por warda lo pidi pa warda of lo duna otro solucion.
Pa tur dunadornan di cuido, incluso specialistanan
medico, ta conta basicamente mesun aviso, dus yama prome y sigui instuccionnan
di dokter.
Servicio
na AZV
Pa evita cu e virus sigui plama mayoria di personal di
AZV ta trahando for di cas. AZV ta duna servicio via telefon y email. Si tin
cualkier pregunta por fabor yama na 527 9900 / 527 9972 / 527 9996 of manda un
email pa [email protected]
Check nos website www.azv.aw
pa instuccionnan con pa haci pa prolonga polisa, inscripcion di baby etc etc
(scroll pa Noticianan Ultimo riba e frontpage)
Tips
Keda pendiente p’e updatenan oficial di Gobierno y sigui
e recomendacionnan di DVG, bo dokter y profesionalnan den salud.
Keda cas, cuida bo famia y amigonan cu ta den e grupo di
riesgo y laba bo man frecuentemente.
Por fabor tene comprension pa otro den e momentonan
fastioso cu nos ta pasando aden.
Gradicimento
Last but not least AZV kier gradici TUR dunador di cuido
cu ta yudando den e sitacion aki.
