fbpx
December 02, 2022

Boto local cu ilegal Venezolano intercepta

Share on Facebook
Share on Whatsapp
0
0
Boto local cu ilegal Venezolano intercepta
Boto local cu ilegal Venezolano intercepta

Awe mainta pa 11:14am Polis maritimo a topa cu un boto local na mas o menos tres pa cuater miya leu di Aruba. Den e boto a constata cu tabatin pasaheronan ilegal abordo. A trece tur esnan abordo direccion di waf di Barcadera.
Prome informe cu a drenta ta bisa cu ta trata di un boto cu tabata biniendo for di Venezuela. Lo pasa e personanan en cuestion pa Warda nos Costa, pendiente nan deportacion.

Ora cu e boto di Polis a yega Aruba, a constata cu tabata trata di cinco persona, incluyendo e capitan, kende a keda deteni pa traficacion di hende.

Inicialmente a papia di un boto cu a sink dilanti costa di Venezuela cu 20 persona cu kier a trata di drenta Aruba di forma ilegal. Te ainda no ta conoci si ta trata di e mesun caso, of diferente, pa motibo pa haya informacion for di Venezuela ta un poco dificil.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.