fbpx
November 29, 2022

COVID-19 ta exigi pa reorganisa mundo

Share on Facebook
Share on Whatsapp
0
0
COVID-19 ta exigi pa reorganisa mundo
COVID-19 ta exigi pa reorganisa mundo

Globalisacion a crash y a bira isolacion pa sobrevivi

*Entrada adelanta di culminacion di e era digital

*Structura despues di gueranan mundial a basha abou 

ORANJESTAD(AAN)–Despues di Segundo Guera Mundial, un structura economico, financiero, social, monetario a haci su entrada na mundo.

Economia nobo a haci su entrada na mundo, hunto cu structuranan estatal nobo pa paisnan c a haya nan propio gobierno pero tambe union di paisnan manera Europa cu realmente tabata basa riba economia.

Ora revisa e panorama di momento cu mundo mester a restructura su mes despues di destruccion di gueranan mundial, por mira cuanto pais a stop di existi of a cuminsa existi of a keda pega den desunion di guera.

Un orden economico nobo a introduci su mes pa regula mundo. Monedanan oficial di paisnan a wordo regula. Economia a cuminsa conoce cadenanan di comercio internacional cu a supera por ehempel e West Indische Compagnie di Hulanda cu a conkista Oriente y Occidente.

Pa e conglomeracion por a funciona tabata tin mester di migracion. Hunto cu e cambionan estatal, adaptacion di paisnan na un forma rapido na entrega di derecho humano na tur grupo den comunidad, a surgi cambionan den cultura y mentalidad di paisnan cu a bay pa un situacion universal.

Uno di e unionnan hopi conoci na mundo ta Union Europeo, cu a cuminsa den union industrial di paisnan Europeo cu participacion importante di Hulanda. Union Europeo a bira un forsa cu a enfrenta Merca entre otro, cu su union di estadonan.

Union Europeo a deshaci di frontera y miembronan di e pais por drenta y sali. Union Europeo a yega na un moneda fuerte basa riba pasonan cu e union tabata permiti. Union Europeo a crea Europeo cu a cuminsa atrae mas inmigrante di  paisnan asocia cu Europa.

Awe COVID-19  a presenta su mes. E hende, cu cruceronan cu a nace baby pa bira gigante riba awa tabata transporta, awe por keda pega riba lama sin destino. E companianan di avion cu a percura pa globalisacion, ta den situacion di emergencia financiero. Rond mundo hende a keda pega ora mester a cera frontera.

Na Europa tin un problema. No por cera e portanan paden di Europa y ciudadanonan Europeo por sigui drenta y sali na paisnan cu nan propio maneho.

Gran Britania a parce di a bandona e union na tempo pero e discusionnan riba su futuro relacion cu Europa tambe a tranca.

Un mundo cu a conoce transformacion for di final di Gueranan Mundial cu a crea un economia enorme pa reconstrui destruccion, awe ta basha abou.

Planificacion pa futuro a base di e economia, tambe a basha abou.

Tin algo cu awor a haya su oportunidad. Isolacion pa medio di e era digital, cu ta haci posibel pa hende traha na cas. Un era digital cu lo crea podernan nobo pero tambe formanan norma pa e hende cu ya tabata isola su mes.

Pasobra mester resumi cu e isolacion actual, no ta dificil pa e mundo di “app”, Facebook, Twitter, telefon den man y plug den horea cu lo afecta cantidad di trahado den futuro.

Na final di 2019 DIARIO a adverti pa e era digital, cu awor ta dicidi pa e contacto humano y hasta continuacion economico y di comunidad.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.