Diaranzon un poco prome cu 1’or y 15 di madruga, un dama a pidi pa asistencia di Polis pa motibo cu el a fia un amigo di su yiu su Ford Explorer Blanco y e amigo no kier a dune su auto bek.
E
dama tabata den su Honda Crv color di oro y tabata tras di su Ford Explorer, el
a trata na varios ocasion di para e amigo pa pidi’e su auto, pero e amigo no
kier a para, p’e motibo aki e dama a hay’e obliga di pidi asistencia di Polis.
Mesora
varios patruya di Polis di Noord y Oranjestad a sali. Hopi liher nan a bin topa
cu e Ford Explorer aki na altura di Fermin’s bar. Mesora Polis a para e auto
aki y a bay atende cu e homber tras di stuur.
Polis
a papia duro cu e homber y nan a splik’e riba e consecuencianan cu e por a
hay’e aden y tambe nan a papia cu e dama.
Ambos
a bin compronde y despues e dama, kende t’e doño di e Ford Explorer a dicidi di
hiba e amigo di su yiu cas y asina tur cos caba sin problema.
