fbpx
November 28, 2022

Depresion ta awor e unico realidad economico mundial

Share on Facebook
Share on Whatsapp
0
0
Depresion ta awor e unico realidad economico mundial
Depresion ta awor e unico realidad economico mundial

Paisnan ta uza reservanan pa confronta COVID-19

*Paisnan mester uni pa yega na contenido economico nobo

*Recesion mundial sin pronostico pa final por wordo anuncia 

ORANJESTAD(AAN)–Dia 18 di Maart mundialmente lo drenta historia mundial como e dia cu mundo ta expresa su mes riba su realidad economico, den cual unicamente depresion ta e unico factor.

Dirigentenan mundial no ta na haltura cuanto tempo lo dura prome cu COVID-19 ta tras di lomba. No por planifica sin certidumbre y sin planificacion, economia mundial hamas por sobrevivi.

E situacion mundial nobo ta wordo considera di mucho mas impacto cu ultimo recesion debi na su caracter.

E falta total di conocemento exacto di e virus nobo, ta haci cu hende no por splica cuanto e situacion mundial di emergencia lo dura y cuanto placa e lo costa mundo.

Balornan financiero ta basha abou na un mundo, cu ta contempla final di un era economico, cu lo mester haya un contenido nobo.

Mester cuminsa prepara publico pa scarsedad cu por surgi, pero tambe introduccion di sistemanan nobo cu lo permiti mundo funciona a base di decision pa terminonan cortico mientras ta diseña un futuro nobo basa riba experencianan amargo cu awor mundo ta registra.

Depresion mundial ta topa cu hende na momento cu enfermedad ta afecta lidernan y ta hasta dicidi kende lo ta lider na diferente pais.

Lidernan actual mester tene cuenta cu como hende nan tambe por wordo afecta cu e virus, cu ya a presenta na nivel gubernamental na varios pais.

Mundo na e momentonan aki no mester bay tene cuenta cu solucionnan pa medio di interes, tarifanan y tur loke ta afecta comercio y economia mundial. Mundo mester knock out un virus pa e por continua.

Den e contenido economico nobo cu ta wordo planea na e momentonan aki mester tene na consideracion factornan di riesgo desconoci den economia moderno. Tabata tin malesa cu a afecta mundo moderno pero no den e forma aki. Ademas e era digital a haci cu informacion por a plama y asina crea panico cu a bira mas desastroso pa economia.

E recesion mundial lo topa mundo cu un problema grandi. Debe y decisionnan tuma a base di panico lo tin un efecto pisa pa e sector di capital.

Mundo realmente ta den estado di recesion cu un mercado di balor cu no por funciona pero tambe necesidadnan un economia basico sano, completamente interumpi pa e ansha di hende enfrente COVID-19.

DIARIO lo sigui vigila e situacion mundial pa asina un Aruba bon prepara por sigui cana.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.