fbpx
November 28, 2022

Dokternan di Aruba ta pidi comprension den cuadro di interes general

Share on Facebook
Share on Whatsapp
0
0
Dokternan di Aruba ta pidi comprension den cuadro di interes general
Dokternan di Aruba ta pidi comprension den cuadro di interes general

Adaptacion of extension di cita den cuadro di distancia social

Pa minimalisa e riesgo di contagio di
coronavirus, for di e siman aki a trece cambio den loke ta citanan cerca e
diferente specialistanan. E dokternan di cas tambe a adapta nan orario di
brinda servicio p’asina contene y minimalisa contagio social y asina proteha e
grupo di riesgo y nos grandinan.

E policlinicanan di e specialistanan lo NO
ta cera, sino a adapta e orarionan di cita p’asina por practica distanciamento
social. Corda cu no ta recomendabel pa tin pacientenan sinta hunto den areanan
di espera.

Den caso cu cancela bo cita n’e clinica lo
tene e cita cu e dokter via telefon. Pero sigur lo keda mira paciente n’e
policlinica si en caso pa nan enfermedad e ta esencial.

Pues lo pasa dor di cada caso y dicidi
si por extende e cita pa un otro dia of si e ta esencial pa mira e paciente n’e
policlinica. Cuido di emergencia lo keda na vigor manera semper. Lamemtablemente
ta nifica cu lo por sosode cu mirando cu bo cita no ta di urgencia, mester
warda un tiki mas prome cu bo consulta cu e specialista.

E mesun medidanan tambe ta aplica pa
mayoria dokternan di cas. Algun di nan a cancela e asina yama “inloopspreekuur”.
Pero loke si ta keda na vigor ta mira pacientenan riba aspraak p’asina mantene
e area di espera menos yen posibel.

Esaki no ta nifica cu bo dokter di cas
no lo ta disponibel of cu e clinica ta sera. Pero ta adapta forma di brinda
cuido aplicando distanciamento social.

Si bo tin sintomanan di coronavirus
manera keintura, tos seco of problema pa hala rosea por fabor tuma contacto cu
280 0101. Pa cualkier pregunta tocante bo cita bo por tuma contacto libremente
cu e clinica di specialista of bo dokter di cas.

Tur dokter y specialista ta compronde cu
e medidanan aki por resulta den frustracion pa hopi paciente y ta spera di por
conta riba boso comprension den cuadro di interes general di comunidad di Aruba
mirando e situacion dificil cu nos ta aden.

Por ultimo nos kier a haci un yamado na
comunidad henter pa tuma e medidanan aki na serio y minimalisa bishita na
Hospital y na dokter mas cu ta posibel  p’asina
contene y minimalisa riesgo di contagio. Hunto nos lo vence riba e coronavirus.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.