fbpx
November 27, 2022

Doorprize di KLM ganá pa sra. Natasja Gomez, a keda entrega

Share on Facebook
Share on Whatsapp
0
0
Doorprize di KLM ganá pa sra. Natasja Gomez, a keda entrega
Doorprize di KLM ganá pa sra. Natasja Gomez, a keda entrega

Diabierna ultimo Kiwanis Club of Palm Beach hunto cu sr. Danilo de
Freytas, Sales Manager di KLM pa Dutch Caribbean, a entrega e doorprize di KLM
ganá recien na e Kiwanis Carnaval Masquerade Party.

Manera ta custumber pa varios aña, KLM ta contribui na Carnaval
Masquerade Party pa medio di un premio cu ta ensera un round trip pa dos
persona di Aruba pa Amsterdam.

Kiwanis Club of Palm Beach ta masha agradecido mes na KLM cu ta contribui
na comunidad dor di yuda cu e doorprize pa haci e fiesta aki aun mas grandi.

E ganadora di e doorprize di e aña aki a resulta den nomber di sra.
Natasja Gomez. KLM y Kiwanis Club di Palm Beach ta desea sra. Gomez y su esposo
un biahe placentero y pa disfruta di e roundtrip pa Amsterdam.

Riba e potret adhunto por mira e feliz ganadornan hunto cu sr. de
Freitas, kende a otroga e premio.

Sr. de Freytas a indica cu ta un orguyo pa KLM pa otroga e premio aki y
asina aporta na un evento pa recauda fondo caritativo y di e forma aki duna
sosten na nos comunidad y especialmente muchanan den nescesidad.

Sra. Natasja Gomez  di su banda a
expresa palabranan di gratitud na KLM p’e bunita gesto aki.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.