fbpx
December 04, 2022

Lista di pago pa exterior cu no mester di licencia special

Share on Facebook
Share on Whatsapp
0
0
Lista di pago pa exterior cu no mester di licencia special
Lista di pago pa exterior cu no mester di licencia special

Mientras Banco Central Aruba ta sigui vigila desaroyo mundial

 *Mas medida por wordo tuma pa mantene base solido Florin 

ORANJESTAD (AAN) — Banco Central di Aruba ta sigui vigila e desaroyo mundial y lo tuma pasonan necesario pa sigura e base solido di e Florin Arubano.

Den e anuncio oficial di Banco Central Aruba, ta wordo mustra riba e shock cu a wordo provoca mundialmente dor di e coronavirus nobo COVID-19 na nivel financiero y ta urgi pa tuma medida.

E autoridad monetario di Aruba, cu mester garantisa confiansa den e Florin Arubano, lo tuma mas medida si esaki ta necesario pa garantisa un sector bancario solido y sano den un situacion di stress na Aruba. Tambe mester percura pa e moneda oficial Arubano por keda mara na e Dollar Mericano.

E medidanan cu Banco Central di Aruba a tuma no ta afecta e transaccionnan menciona den articulo 9, incision 2, di e ley cu ta regla trafico di placa stranhero (divisa)

Pa miho informacion di Aruba, DIARIO ta resumi tur e transaccionnan den moneda cu por sigui tuma luga, sin necesidad di un licencia special.

Importacion y exportacion di articulonan y gastonan asocia.

Transaccionnan di transito, gastonan di transportacion y di seguro pa transportacion internacional.

Gastonan di pasashi y gastonan pa biahe y acomodacion.

Pagonan pa interes y dividendo.

Transferencia di ganashi.

Pagonan relaciona cu huur; pa paga debe of pa reduccion di balor di inversion.

Credito riba termino cortico of facilidad similar di banco riba termino cortico.

Pago pa trabou of servicio.

Gastonan di oficina of trabou administrativo.

Pago di sueldo of pensioen.

Primanan pa seguro.

Pago di alimentacion y becanan.

Otro transaccionnan cu Banco Central ta considera similar.

Pa e transaccionnan aki pues no mester di un licencia di Banco Central, e autoridad monetario di Aruba.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.