fbpx
December 06, 2022

Olimpiada 2020 ta contra tur regla pa para COVID-19

Share on Facebook
Share on Whatsapp
0
0
Olimpiada 2020 ta contra tur regla pa para COVID-19
Olimpiada 2020 ta contra tur regla pa para COVID-19

Insistencia pa evento cu lo scapa inversionnan grandi na Hapon

*Mas y mas atleta ta conclui cu nan bida no tin balor 

ORANJESTAD(AAN)–Na medida cu e coronavirus nobo ta avansa rond mundo y a bira un pandemia, eventonan rond mundo a wordo cancela.

Encuentronan nacional na cierto paisnan ainda ta tuma luga sin publico, cu tin mas atencion pa e peliger di COVID-19 pa nan salud y bida cu nan tin pa e weganan.

Ta e posicion aki tambe ta bini dilanti den protestanan rond mundo, caminda deportistanan mas y mas ta yega na e conclusion, cu nan bida no tin balor pa e organisadonan di e evento.

Campeonato Europeo di Futbol ta wordo cancela. Eventonan grandi cu ta atrae publico ya wordo gescrap pa bolbe wordo programa na e momento cu mundo a domina COVID-19.

E insistencia di e organisadonan di e encuentronan Olimpico, cu ya a wordo inicia cu e careda pa e vlam yega Hapon, no por haya comprension cerca un grupo cada bes mas grandi.

Olimpiada 2020 ta bay contra tur regla cu a wordo tuma pa mundo pa evita cu e malesa ta sigui plama.

Paisnan ta cera nan frontera pa evita entrada di e virus agresivo. Hapon 2020 pues lo mester exigi di hopi pais pa organisa vuelonan special pa deportistanan por yega Hapon.

Hasta na entiero di un mama ta limita cantidad di hende cu ta bini hunto. Na Hapon lo bay reuni mundo den hotelnan y stadion. Avionnan mester bula di tur parti di mundo of mester pone barconan atrobe den operacion.

Informacionnan di tur parti di mundo tabata indica ayera cu e Weganan Olimpico 2020 ta bira un ilusion pasobra mayoria di cientifico ta conclui cu no por para e coronavirus nobo riba termino cortico.

Atletanan ta wordo forsa pa tene cuenta cu nan disposicion pa gana bataya na Hapon cu cantidad di riesgo pa nan salud. Nan no por sigui e reglanan pa nan salud pa combati e coronavirus nobo pero mester adapta nan curpa na e miho resultadonan na Olimpiada.

E pregunta si e weganan internacional mester sigui, ta keda sin contesta. Ayera mas y mas instancia a cuminsa cuestiona e evento, cu hamas lo ta mescos.

E actual insistencia di e organisadonan pa mundo ta indica cu perdida di placa cu a wordo inverti ta mas importante cu salud di participante y di publico. Continuacion di Olimpiada 2020, cu for di awor ta influencia mundo deportivo internacional, por bira un di e paginanan mas scur di Weganan Olimpico.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.