fbpx
December 01, 2022

Prome pashent afecta pa Coronavirus a fayece na Corsow

Share on Facebook
Share on Whatsapp
0
0
Prome pashent afecta pa Coronavirus a fayece na Corsow
Prome pashent afecta pa Coronavirus a fayece na Corsow

WILLEMSTAD: Diaranzon mainta durante un conferencia di prensa na Corsow, a keda anuncia cu e prome pashent afecta pa Coronavirus a fayece.

Asina Prome Minister di Corsow, Eugene Rhuggenaath a duna di conoce. DIARIO a haya sa cu ta trata di un homber di 68 aña  procedente di Noord Brabant, Hulanda cu tabata na Corsow cu vakantie.

Segun informacion, e condicion di salud di e pashent a deteriora dialuna y mesun dia el a wordo ingresa Curazao Medical Center (CMC) den e unidad di cuidonan intensivo.

Diaranzon prome cu merdia, el a drenta den un crisis unda lo a aplica CPR na e pashent, pero e esfuerzonan tabata en vano y el a fayece. Ta trata di e prome pashent cu mester a wordo hospitaliza.

Te cu diaranzon, Corsow tabata tin 3 caso. Esaki tabata un di nan. E casa di e fayecido tambe ta un di e casonan positivo y aworaki e ta den cuarentena.

 

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.