fbpx
December 04, 2022

Trahadornan di Serlimar a sinti insigur relaciona cu medidanan di seguridad pa cu nan salud

Share on Facebook
Share on Whatsapp
0
0
Trahadornan di Serlimar a sinti insigur relaciona cu medidanan di seguridad pa cu nan salud
Trahadornan di Serlimar a sinti insigur relaciona cu medidanan di seguridad pa cu nan salud

Nan a tene ‘walk out’ diamars

ORANJESTAD (AAN):  Trahadornan di Serlimar diamars ultimo a tene un ‘walk out’ unda nan a protesta den buskeda di mas seguridad, proteccion relaciona cu recogemento di sushi mirando e situacion di Coronavirus.

Jurick Schwengle shopsteward di Sindicato STA a señala cu e trahadornan a remarca cu nan tambe tin famia y pesey mester percura pa nan salud. Nan ta trahadornan cu ta bin topa cu yen sushi mientras cu nan ta haciendo nan trabao.

Segun Schwengle, e trahadornan a duna di conoce cu nan haya un boter di hand sanitizer chikito, un handschoen, coverall. y esey nan ta haya tiki pa keda proteha. Nan kier ma prevencion.

Pa e motivo ey, nan a dicidi di no sali diamars premirando cu pa diahuebs e situacion lo por a drecha y asina evita pa coronavirus plama.

Jury Schwengle a sigui bisa cu STA a manda un carta pa gerencia di Serlimar indicando cu te ora cu e trahadornan haya material nan lo sigui.

Gerencia a papia cu STA y a pone nan na altura cu a busca material y cu Diahuebs lo sigui cu e ruta.

Banda di esaki, Sharline Hernandis di Mercadeo di Serlimar a duna di conoce cu a manda un Memo pa e trahadornan mustrando nan cu a busca material y cu e compania a bay na loke DVG a recomenda, a bisa.

El a bisa cu Serlimar tambe ta bezig cu precaucion pa e trahadornan cu ta traha paden, den oficina

Hernandis a señala cu e trucknan comercial a sali diamars y cu awe diahuebs nan lo sigui haci nan trabao normal.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.