fbpx
December 08, 2022

Departamento di Impuesto ta refuta rumornan falso di COVID-19

Share on Facebook
Share on Whatsapp
0
0
Departamento di Impuesto ta refuta rumornan falso di COVID-19
Departamento di Impuesto ta refuta rumornan falso di COVID-19

Alegacion
di cuarentena absoluto riba e organisacion ta falso

Dia
18 di maart 2020, un rumor infunda a cuminsa circula via Whatsapp, na unda ta
alega cu tin contagio di Coronavirus den Departamento di Impuesto (DIMP) y unda
lo implementa cuarentena absoluto riba e organisacion.

Departamento
di Impuesto ta lamenta y refuta esaki completamente.

“Nos
ta consciente cu COVID-19 por afecta un colega, cliente y/of partner strategico,
sea ta den e facilidadnan di Departamento di Impuesto of cualkier otro sitio
riba nos isla. Maneho di Departamento di Impuesto ta funda riba prevencion di
propagacion di COVID-19 y ta tuma esaki hopi na serio.

Departamento
di Impuesto ta sigui e protocol estableci pa Gobierno di Aruba y
pro-activamente a tuma pasonan preventivo, manera manda personanan di risico
halto cas pa keda den cuarentena. Na ningun momento esaki ta implica
contraccion of transmision di e virus en cuestion.

Nos
prioridad como Departamento di Impuesto ta ehecuta e leynan di impuesto di nos
pais y tambe como dunador di trabao, cuida semper e bienestar, salud y derecho
di privacidad di cada empleado.

Gerencia
di Departamento di Impuesto ta lamenta e alegacionnan falso cu ta circulando.
Esakinan ta genera panico, miedo y desconfiansa inecesario entre e coleganan y
e contribuyentenan”.

Departamento
di Impuesto ta un organisacion vital pa pais Aruba y ta opera bou e
principionan di confidencialidad, etica y transparencia segun ley di nos pais
ta dicta. Alegacionnan falso no ta wordo tolera y lo wordo investiga
inmediatamente.

Por
ultimo Departamento di Impuesto ta haci un suplica na comunidad di Aruba pa
practica recomendacion di prevencion di Coronavirus y tambe sigui nan pagina di
Facebook of bishita www.impuesto.aw pa
informacion veridico encuanto e desaroyonan relaciona cu COVID-19.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.