Diaranson algo pasa di 9:30 pm un caso di maltrato a sosode na Tanki Leendert unda cu e sospechoso a bandona e sitio prome cu autoridadnan a yega.
Ta parce cu e pareha a haya problema cu otro cu a sigui cu un discusion. Pero esaki a bay demasiado leu ora cu e homber a lanta man y a dal e mucha muhe algun mokete den cara. Polisnan a papia cu e mucha muhe, kende a bisa cu e no sa unda e homber a bay.
Ambulance a bini na e sitio pa atende cu e victima, kende tabata sangra. Paramediconan a atende na e sitio mes mientras cu Polis a informa di lo sigui “follow-up” riba e caso aki.
