Dokter Bert Rodenburg, infectioloog di Hospital y miembro di team di coronavirus a duna un update diparti di hospital, kico ta e preparacionnan cu hospital a haci.
Pacient number 1:
Segundo test di e pacient aki, a sali negativo. El’a sali for di su isolacion y a bandona Aruba.
ICU – Machine di hala rosea:
Normalmente tin 5 te cu 7 machine di hala rosea. E team di ICU a haci un bon trabao y awor tin capacidad di 12 te cu 16. Apart di esey tin lugar pa pacient regular.
Tent di Emergencia CoronaVirus:
A pone un tent pafo pa un pacient cu tin riesgo pa Coronavirus. Esaki ta pa dividi e pacientnan for di otro. Na e tent bo ta wordo atendi y ta dicidi kico ta wordo haci.
Cama pa pacient Coronavirus:
Hospital a prepara 30 cama y sitio special pa pacientnan cu tin coronavirus. Esaki ta aparte di ICU.
