ORANJESTAD – E prome persona contagia cu e coronavirus na Aruba a bolbe Merca diahuebs mainta cu air ambulance. Esaki pasobra segun informacion di noticiacla, aeroliñanan commercial lo no kier a transporte. Cu tur protocol necesario a transporta e persona di hospital pa aeropuerto pa asina e persona por a keda transporta bek pa Merca. E mericano di 65 aña di edad pues a keda transporta. Awe mainta durante e conferencia di prensa, vocero di departamento di salud Jurrette Croes a confirma esaki tambe. Tabata siman pasa cu e noticia a bira conoci cu e persona aki ta na Aruba cu e simptoma y cu el a keda confirma di ta contagia. El a bira asina e prome persona na Aruba (aunke no Arubiano) cu a keda contagia. A pone den isolacion na hospital mesora te ora cu el a recupera suficientemente pa por a transporte bek pa Merca awe mainta. E mericano R.M, a bin Aruba pa haci trabou di consultant na WEB siman pasa, y a bin enfoca riba entrenamiento pa cu customer service y otro tipo di servicio.
