fbpx
December 07, 2022

Trahadonan disgusta di Serlimar: Awe nos kier mira Marisol Lopez Tromp aki

Share on Facebook
Share on Whatsapp
0
0
Trahadonan disguta di Serlimar: Awe nos kier mira Marisol Lopez Tromp aki
Trahadonan disguta di Serlimar: Awe nos kier mira Marisol Lopez Tromp aki

Nan prome punto di preocupacion ta e falta di siguridad den cual nan mester ehecuta nan trabou di recoge sushi den un temporada hopi dificil ora cu tin coronavirus. For di inicio di siman caba nan a pidi pa mas proteccion ya cu nan ta haya solamente un sanitizer pa haci nan mannan limpi.

Despues di nan demandanan haci diamars ultimo, no a mira ningun cambio, ni sikiera a papia of scucha nan. Esey a pone pa dicidi di bay den accion na momento cu a subi warda awe mainta. Tur esaki na momento cu e director nobo a cuminsa cu su prome dia di trabou Anko Koopmans.

Riba prome dia di trabou di e Director nobo: Serlimar ta den accion awe mainta! Click link pa mas https://24ora.news/33tAHgh

Posted by 24ora on Thursday, March 19, 2020

E trahadonan a bisa cu nan no kier tende nada y kier mira Minister Marisol Lopez Tromp yega na e sitio. Nan a expresa cu lo keda para pafo di e edificio te ora cu nan haya mas proteccion y presencia di e mandatario na e sitio.

Por ehempel, nan a scucha cu Gobierno ta bisa pa protege esnan cu malesa cronico, y si esaki mester wordo aplica na Serlimar, ta mas cu mita di e departamento lo bay cas y servicio no por sigui. Pio sin proteccion. Hasta nan a denuncia cu despues di nan accion, a constata cu despues cu e trahadonan disgusta a bisa cu no ta recoge sushi te ora cu yega na un solucion, otronan a subi truck toch tras di nan lomba.

Pero banda di esaki, un grupo di trahado a haya carta for di Minister cu no ta renoba nan contracto. Un trahado fiel cu semper a cumpli, nunca a bay AO, a haya notificacion diabierna cu entrante dialuna e no tin trabou mas. “E weganan aki mester caba,” un di e trahadonan, Yuri Schwengle a comenta.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.