Den oranan di mainta un tiro duro a spanta habitantenan di Bernhardstraat, na San Nicolas.
Mas e habitante a spanta ora cu el a mira e glas di e porta di su cas habri. El a conta cu mesora el a dicidi di bati alarma na Polis. Na momento cu el a mira e glas, mesora el a pensa cu un persona a los un tiro den e porta di e cas y sigui core.
Patruya y recherche a yega na e sitio pa haci nan investigacion. A analisa e porta y con e glas e kibra. A yega na e conclusion cu por ta e cas tabata cera y door di hopi calor (cayente) sin cu tin aire ta circula, a causa cu el a causa algo parecido na un explosion. Di tiro no a mira nada.
