fbpx
June 24, 2021

Dreams Circus & Dance Live Show lo ta diadomingo awo

Share on facebook
Share on Facebook
Share on whatsapp
Share on Whatsapp
0
0
Dreams Circus & Dance Live Show lo ta diadomingo awo
Dreams Circus & Dance Live Show lo ta diadomingo awo


Diadomingo awo lo bay tin un show den Cas di Cultura pa 6’or di atardi organisa pa Ritmo Cubano Company Aruba (RCC), yama Dreams Circus & Dance Live Show.

Segun director di RCC, Diego Jaramillo, e show aki lo ta un show di baile, circo y teatro. Prijs pa adulto ta 35 florin, pa mucha e ta 25 florin. E grupo ta cla cu tur e artistanan pa e show.

E ta sigui conta cu por bin mira un show di calidad hopi halto. Ta trata di un storia hopi bunita den un buki cu un mucha muhe ta haya y den e buki tin hopi magia den dje.

Un total di 10 artista ta participando riba escenario diadomingo awo. Segun Jaramillo lo bay tin un solo presentacion. Esaki ta tuma luga den cuadro di dia mundial di teatro cu lo celebra diasabra, 8 di mei, hunto cu Cas di Cultura y Departamento di Cultura (DCA).

E grupo tin 11 aña di existencia. A cuminsa trahando cu diferente hotel na Aruba y tambe na Paseo Herencia. Despues di esey a cuminsa haci diferente gira internacional.

A representa Aruba den diferente festival. Awo nan ta hayando un otro oportunidad pa representa Aruba na Italia y haci un otro tour cu e compania.

Asina ta, hiba mama Cas di Cultura pa presencia un espectaculo magico. Esaki lo ta e regalo ideal pa mama y alabes celebra Dia Mundial di Teatro.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.