fbpx
June 24, 2021

MAS: Enfoca mas riba calidad cu cantidad

Share on facebook
Share on Facebook
Share on whatsapp
Share on Whatsapp
0
0
MAS: Enfoca mas riba calidad cu cantidad
MAS: Enfoca mas riba calidad cu cantidad


Awe e partido politico Movimiento Arubano Soberano (MAS), a entrega un lista di no menos cu shete candidato riba dje, pa participa den eleccion dia 25 di juni 2021. E partido cu den pasado tabata encabesa pa Holmo Henriquez, awendia ta den man di ex-minister Marisol Lopez-Tromp. Den un tempo relativamente cortico e mester a reorganisa e partido y busca candidatonan nobo pa por participa na eleccion. No obstante hopi peticion, liderazgo a opta pa enfoca riba calidad y no cantidad.

Marisol Lopez-Tromp, despues di a entrega e lista oficial na Conseho Electoral, a presenta cada un di e seis demas candidatonan den Wilhelmina Park. A nota cu entre e candidatonan e tin dos dokter, maestra di scol, un profesional for di Universidad di Aruba y un cara conoci den benta.

Cera conoci cu e caranan riba lista victorioso di Movimiento Arubano Soberano (MAS)

Cera conoci cu e caranan riba lista victorioso di Movimiento Arubano Soberano (MAS)

Posted by 24ora on Friday, May 7, 2021

Locual tambe a palabra entre e candidatonan ta, cu a firma un protocol, den cual tur ta acorda cu esun cu haya mas voto lo drenta parlamento. Pues, prome cu eleccion caba e politico a sede su puesto parlamentario na partido, pa e secuencia di voto conta y no e secuencia di number riba lista. Den pasado otro partidonan tambe, entre otro POR, a yega di aplica e mesun procotol aki.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.