fbpx
July 27, 2021

Polis a kibra negoshi grandi di produccion di Spacecake

Share on facebook
Share on Facebook
Share on whatsapp
Share on Whatsapp
+2
-1
Polis a kibra negoshi grandi di produccion di Spacecake
Polis a kibra negoshi grandi di produccion di Spacecake


E hecho cu algun mucha a bira malo y despues a bisa cu ta bolo nan a come, a lanta sospechoso mesora cu aki ta traha di “spacecake”. Un investigacion policial a confirma esaki tambe. “Dicho hecho”, asina un recherche a bisa nos na e sitio despues cu nan a conclui cu ta na un cas na Alto Vista nan a duna e muchanan e bolo aki pa come y cu a haci nan malo. A haya permiso di fiscal y hues-comisario pa drenta e cas y detene tur hende.

E sospechosonan, entre otro un comerciante local bon conoci, no a spera bishita inespera di polis na nan cas awe na Alto Vista. Polis a yega cu un ordo di hues pa haci un “huiszoeking” den henter e cas. Y “Bingoooo”, asina e recherchenan a contesta ora a puntra si a haya algo ilicito paden. Parce cu a haya cantidad di marihuana, artefactonan pa produci spacecake y a haya algun bolo cla pa bende tambe cu cliente. Ta parce cu e comerciante aki a habri un pasteleria ilegal di bolo di droga, un sorto di Brownie di Marihuana.

Polis a kibra negoshi di spacecake na Alto Vista

Polis a kibra negoshi di spacecake na Alto Vista

Posted by 24ora on Tuesday, June 22, 2021

Na e sitio polis a detene cuater persona, tres hende homber y un hende muhe. Sea nan tur ta trahado di bolo of nan tabata na sitio robes na momento robes. Esey e investigacion preliminar di recherche lo tin cu determina. Hecho ta cu for di e cas ey na Alto Vista ta produci y bende spacecake pa Aruba, anto segun informacion, ta un pasteleria ilegal esaki cu ta bende bolo di brownie cu droga “por mayor”, pues na escala grandi.

Recherche awor a start e proceso di interogacion, pa por yega na e berdad di cua di nan ta esun cu ta cumpra e droga, ken tin e rol di e panadero, ken ta empaketa e producto den otro y ken ta sali bende. Ya por a mira caba cu e produccion aki a yega na victima robes, pasobra ta muchanan a duna e bolo aki cu a haci nan malo di salud.

Kico ta spacecake?

Spacecake ta nomber di un sorto di bolo den cual ta procesa droga, mayoria bes marihuana. Tin varios receta den circulacion, incluyendo e bolo di manteca, buscuchi y hasta e famoso brownie den cual ta inclui droga den nan. E nomber mes ta na ingles y ta deriva for di espacio y bolo. Ta referi na espacio aki pasobra despues cu bo caba di come e bolo, lo bo sinti bo den espacio, debi na e haltura cu e droga den dje lo tin como efecto. Parce cu e efecto ta encera un sensacion di “high”. Cu e dosis corecto, e sensacion aki por dura pa varios ora. Como cu marihuana tin un efecto stimulante, mescos cu alcohol, no ta recomenda consumi spacecake den un estado depresivo.

Debi cu e ingredientenan di e droga marihuana, manera ta e THC, ta gulie di forma oral, ta haci cu ta dura entre 20 minuut y dos ora prome cu cuminsa sinti e efectonan. Pa loke ta e buscuchi, esey ta digiri gradualmente, di moda cu e sensacion di ta “high” ta cuminsa den forma silencioso y ta aumenta di intensidad lentamente. Un eror cu varios usuario di droga ta haci, ta di tuma un di dos dosis di e bolo pasobra e efecto no tabata suficiente fuerte. Hopi biaha sa sosode cu e bolo simplemente no a caba di digiri completamente ainda y asina e efectonan ta bira mas fuerte. Ora dal e di dos bolo, ta conduci cu e consumo excesivo ta haci e usado malo of ta mand’e plat.

Claro cu comemento di bolo “spacecake” tin riesgo pa salud. Ta existi un debate pisa riba e riesgonan a largo plaso di consumo di marihuana. E opinion predominante di cientificonan ta cu e efectonan di uzo di marihuana ta disparce cu tempo, ora stop di hum’e of com’e. Pero esaki no ta aplicabel pa hobennan di 16 aña of mas abou. Tambe e regla ey no ta aplicabel pa pashentnan cu enfermedadnan mental. Pa nan, uzo di marihuana of comemento di e bolo aki, ta hopi mas dañino pa salud. Sinembargo, e investigacion cientifico nunca a descarta e posibilidad pa draai bek e efectonan di marihuana ora stop di uz’e.

Share on facebook
Share on Facebook
Share on whatsapp
Share on Whatsapp
+2
-1

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.