fbpx
July 27, 2021

Famia Arends: No tabata sa cu huurdo ta den negoshi di droga

Share on facebook
Share on Facebook
Share on whatsapp
Share on Whatsapp
0
0
Famia Arends: No tabata sa cu huurdo ta den negoshi di droga
Famia Arends: No tabata sa cu huurdo ta den negoshi di droga


E conocido comerciante Baby Arends ta liber, hunto cu su yiu. Nan tabata na cas na Alto Vista ayera ora cu diripiente polis a yega, rondona e cas y a detene tur hende. Nan tabata buscando e huurdo di un apartament cu ta pega na e cas. Despues di a constata cu e doño di cas no tin nada di haber cu e huurdo, a laga nan den libertad. E sospechoso, di fam Soekandar, a keda deteni pa duna cuenta riba e negoshi di marihuana y trahamento di “spacecake”.

E caso a cuminsa ora cu algun mucha a bira malo despues di come bolo “spacecake”. A haya permiso di fiscal y hues-comisario pa drenta e cas y detene tur hende. Parce cu a haya cantidad di marihuana, artefactonan pa produci spacecake y a haya algun bolo cla pa bende tambe cu cliente, un sorto di Brownie di Marihuana.

E comerciante Baby Arends y su yiu homber a recobra nan libertad caba. Polis a compronde cu nan no ta envolvi den e trahamento di bolo, ni bendemento di e bolonan aki cu ta contene marihuana. E sospechoso ta un huurdo di un apartament di nan, cu ta pega nan nan cas na Alto Vista.

Na e sitio a detene cuater persona, tres hende homber y un hende muhe. Pero despues di e prome interogacion, a laga tres sospechoso bay y a wanta Soekandar so encarcela pendiente investigacion. Ta sospecha cu e homber ta maneha un tipo di pasteleria ilegal, cu ta bende bolo di brownie cu droga “por mayor”, pues na escala grandi.

Famia Arends ta lamenta cu, door di e incidente aki, a atacha nan bon nomber y credibilidad den comunidad. Baby Arends ta considera cu e tabata djis na e caminda robes, na e momento robes. Pero, e fastioso ta cu ey ta su cas. Djis cu e no tabatin un idea di kico su huurdo tabata haci den e apartament. Despues di esaki e lo tuma e medidanan necesario pa evita ripiticion.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.