fbpx
September 21, 2021

Chauffeur di March ta causa accidente lagando Yaris sin bumper

Share on facebook
Share on Facebook
Share on whatsapp
Share on Whatsapp
0
0
Chauffeur di March ta causa accidente lagando Yaris sin bumper
Chauffeur di March ta causa accidente lagando Yaris sin bumper


Diadomingo, pa mas of menos 4:45 am, a tuma luga un accidente net dilant’i Fantastic Gardens na Bushiri.

Ta trata aki di un Nissan March colo shinishi, numera A-61030, cu tabata bin di Bushiri, bayendo direccion Pos Abao, ora cu dado momento el a perde control y a ranca un pal’i luz lagando e bario sin coriente.

Na e momento ey un Toyota Yaris colo blanco, numera A-46421 tabata biniendo, no a mira cu e pal’i luz tabata kibra y benta riba caminda. El a dal na dje, kedando sin su bumper.

Por a nota na e sitio cu e chauffeur di e March a core benta boter di alcohol afo y a cuminsa cana bay prome cu e polis a yega, lagando asina e auto atras. Tambe por a nota cu el a kita e plach’i number pa asina polis no haya ningun dato.

Sinembargo no a dura mucho cu polis a bin topa cu e tipo y a trece bek n’e sitio. A bay over despues pa detene. Tabata bisto cu e persona aki tabata bastante bebi. A hib’e warda pa asina e sosega su curpa.

Mientrastanto personal di Elmar a presenta pa asina haci e trabaonan necesario pa pone un pal’i luz nobo y pa asina e bario haya coriente bek.

Auto a ranca palo di luz: Area di bushiri a keda sin coriente

Posted by 24ora on Sunday, July 25, 2021

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.