fbpx
October 18, 2021

Deportivo Nacional a supera La Fama den pito pa gana Copa AVB

Share on facebook
Share on Facebook
Share on whatsapp
Share on Whatsapp
0
0
Deportivo Nacional a supera La Fama den pito pa gana Copa AVB
Deportivo Nacional a supera La Fama den pito pa gana Copa AVB


Diasabra anochi a tuma luga  e final die  Copa AVB 2021 ora cu dos ekipo cu a clasifica number tres, esta La Fama y number cuater cu ta Deportivo Nacional, a enfrenta otro.

La Fama a elimina RCA den e semi final ganando cu anotacion di 2-1 mientras cu Nacional a logra di elimina Dakota den e otro semi final ganando cu anotacion di 1-0.

E wega di diasabra anochi tabata colma di tension, caminda pa prome biaha den hopi tempo, por a mira presencia di hopi fanatico sinta hunto ta disfruta di un wega final di futbol, percurando pa un tremendo ambiente.

Tabata bisto cu ambos ekipo tambe tabata bou presion pa e scenario aki pero caminda Deportivo Nacional tabata esun cu a mustra mas consistencia y determinacion den e final aki, ya cu La Fama a hunga insigur y a mustra nervioso.

E ekipo di Noord a crea mas peliger pa e gol di La Fama caminda un biaha mas portero Joshua Faro, a bolbe mustra di ta un tremendo portero, evitando den e prome tempo un gol di Nacional.

Riba un tiro liber di Pulido di Nacional den skina, den nobenta, e portero di La Fama ta logra saca e tiro den forma impresionante pero lesionando su mes ora cu el a dal den tubo di gol.

E portero a sigui bou di e latanan  y un rato despues ta logra blokia un tiro di Nacional cu etiketa di gol y asina e prome tempo a bin termina den un empate na 0-0.

Pa largo rato den di dos mita e score a keda asina pero den e ultimo cuater minuutnan di wega Deportivo Nacional ta bin anota dos gol pa asina bay cu e copa grandi aki di AVB

Pabien na Deportivo Nacional  cu e titulo di campeon y tambe na La Fama cu nan di dos puesto.

 

 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.