fbpx
September 21, 2021

Turismo ta sufri golpi tras di golpi na man di ladronnan activo

Share on facebook
Share on Facebook
Share on whatsapp
Share on Whatsapp
0
0
Turismo ta sufri golpi tras di golpi na man di ladronnan activo
Turismo ta sufri golpi tras di golpi na man di ladronnan activo


Turismo ta sigui haya golpi tras di golpi. Ladronnan activo a kibra y horta den diferente auto. Den ultimo simannan e ladronnan ta activo den e areanan turistico, Baby beach, Arashi, Seroe Colorado, Bushiribana, entre otro. 

E turistanan ta cera nan auto, pa nan bay disfruta di nos areanan turistico. Y ora nan yega na nan auto, ta bin haya glas kibra y nan pertenencianan a disparce. Den tur caso, e turistanan ta yama polis cu a bin tuma nota di tur e denuncianan. Pero ladronicia den e areanan aki a lanta cabes. 

Ta parce cu e ladronnan ta move di un punta pa otro, den e areanan turistico. Nan ta tira bista riba un of mas V-wagen pa wak kico nan a laga den auto pa bay cu e pertenencia di e turistanan, entre otro tas.

Henter siman e polisnan ta man yen cu e ladronnan cu ta kibra dne auto di turista. Diadomingo mainta, hende cu ta haci ehercicio a bin haya tas benta abou, cu nomber di turista riba dje, na altura di bahada di Seroe Colorado. E personanan aki a bati alarma tambe y nos di 24ora.com tambe tabata presente.  

Autoridad tin man yen, cu ladron cu ta move den auto den e areanan turistico. Ta spera cu pronto por pone man ariba e malhechornan aki, cu ta haciendo un daño grandi na nos turismo. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.