fbpx
November 30, 2021

DOW: Mester di un planta di purificacion nobo na Bubali urgentemente

Share on facebook
Share on Facebook
Share on whatsapp
Share on Whatsapp
0
0
DOW: Mester di un planta di purificacion nobo na Bubali urgentemente
DOW: Mester di un planta di purificacion nobo na Bubali urgentemente


Situacion na e planta di purificacion (RWZI) na Bubali ta uno precario y esey ta pone no solamente nos unico pilar economico, esta nos turismo na peliger, pero tambe salud di hende.

Pa minister Ursell Arends, encarga di entre otro Transporte, Integridad, Naturalesa y Asunto di Adulto Mayor, e ta un urgencia y prioridad pa atende cu ne.

Ta pa e motibo aki mes pa por mantene e planta aki ta rekeri un inversion cuantioso pa e por sigui opera.

Di parti di DOW, Frank Benita, hefe di e seccion beheer Waterschappen, encarga cu tanto RWZI y e sistema di riolering na Aruba, ta conta cu no solamente e planta na Bubali, sino e otro dos plantanan adicional, esta esun na Parkietenbos y na Zeewijk, ta ricibiendo dobel di e capacidad di awa y tambe no tin suficiente oxigeno pa por procesa e awa aki debidamente.

Loke tin mester n’e momentonan aki, ta un planta nobo na RWZI Bubali. Ta conoci cu dentro di cinco aña lo tin varios hotel/condominio nobo y esaki ta traduci den mas cambio, cu lo ta un presion atrobe riba e sistema di purificacion na RWZI Bubali.

“Cu crecemento di nos economia turistico, mester bay man den man cu e desaroyo di RWZI Bubali, sino nos ta hopi mas leu fo’i cas,” segun Frank Benita.

Pa cobertura mas amplio lesa edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.