fbpx
November 30, 2021

Let’s Art about Mental Health – Evento unico combinando arte y salud mental

Share on facebook
Share on Facebook
Share on whatsapp
Share on Whatsapp
0
0
Let’s Art about Mental Health – Evento unico combinando arte y salud mental
Let’s Art about Mental Health – Evento unico combinando arte y salud mental


Salud mental ta un topico cu ultimo tempo ta bin dilanti frecuentemente. Esaki tin di haber cu e necesidad pa conscientisacion riba e tema sumamente importante aki.

Pa conmemora e dia internacional di Salud Mental cu tabata 10 di october ultimo, a organisa, pa medio di un colaboracion, Aruba su prome feria di salud mental: Let’s Art About Mental Health unda e meta ta pa promove conscientisacion encuanto temanan relata cu salud mental y adiccion.

Esaki lo tuma luga diasabra 23 di october na Ateliers ‘89. Cuminsando desde 8:30am pa 10:00am cu un Art Therapy workshop y sigui pa 10:00am pa 3:00pm cu un feria di salud mental. Evento ta pa un y tur, y entrada ta gratis.

Pa forma parti na e Art Therapy workshop, lo mester cumpra tickets, Afl. 15,- pa ticket, cual ta obtenibel na Oficina Principal di Respaldo (Caya Punta Brabo 7), Citgo Boulevard y na Citgo Essoville. E Art Therapy Workshop lo wordo duna pa Sra. Marleen de Valk, kende a haci e estudio di Vaktherapeut/ Beeldend Therapeut. E ta traha na Psychiatirisch Ziekenhuis Klinika Capriles y e ta bestuurslid di Caribbean Association for Arts, Play and Psychomotorische Therapies (CAAPPT), ademas e ta duna charla, training y workshops regularmente. Durante e Art Therapy workshop nos lo ofrece un workshop interactivo unda bo por expresa bo pensamento y emocionnan.

Ademas di esaki, lo tin varios workshops gratis cu adulto, mucha y hoben por tuma parti na dje y tambe lo tin varios organisacionnan, fundacionnan y instancianan presente cu lo por duna un mihor splicacion di nan servicionan y con e comunidad por haci uso di esaki. Lo tin varios artistanan y artesanonan local presente cu lo ta bende nan obra di arte durante e evento.

E feria Let’s Art about Health ta pa tur edad. Nos ta invita comunidad di Aruba henter pa bin pasa un rato ameno.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.