fbpx
November 30, 2021

Pastoor Marcel Balootje: Mama soltero bo ta bendiciona

Share on facebook
Share on Facebook
Share on whatsapp
Share on Whatsapp
0
0
Pastoor Marcel Balootje: Mama soltero bo ta bendiciona
Pastoor Marcel Balootje: Mama soltero bo ta bendiciona


Tin mama soltero cu ta nan mes deseo pa nan ta mama soltero, door cu nan kier un yiu, pero no kier casa.

Tin mama soltero bandona p’e tata di e yiu. Tin mama soltero hoben cu accidentalmente a yega nan un yiu, etc.

Ora bo ta mama soltero bo mester para firme y fuerte den e palabra di Dios.

Romanos capitulo 8:31-35 ta bisa: “Kico nos lo bisa di e cos aki anto? Si Dios ta pa nos ken contra nos.”

Mama soltero mester mantene su moral y respet pa su mes y su yiu na halto.

Mama soltero no ta por ta un obheto di pasion of un pasa tempo sexual.

Si un homber kier drenta bida di un mama soltero mester tin tanto amor p’e mama como p’e yiu.

Mama soltero no por pone amor pa un homber mas halto cu amor pa su yiu.

Mama soltero no por biba cu un persona cu e no ta confia banda di su yiu.

Mama soltero mester mantene su mes decente, pasobra esey t’e mehora ehempel pa su yiu.

Mama soltero no por ta parandero pasobra e mester educa, coregi y disciplina su yiu (Proverbionan 13:24).

No pasobra bo ta un mama soltero bo tin di bende bo mes pa bo sobrevivi.

Un mama  soltero no mester soporta abuso y maltrato di ningun hende  djis pasobra e ta haya sosten financiero.

Santiago of e buki di Jacobo Capitulo 1:5 ta bisa: “Ma si cualkier di boso falta sabiduria lag’e pidi Dios, kende ta duna na tur hende generosamente y sin reproche y esaki lo ta duna na dje,

Tin hopi mama soltero cu a gana premio di decencia y respet cu a lanta yiunan bon y cu awe ta den posicion halto den nos comunidad.

Mama soltero mester esforsa y persevera pa studia den tur seriedad posibel.

Mama soltero no por chansa banda di su yiu. E mester para firme den educacion di su yiu y lant’e den e palabra di Dios. Pasobra e mes ta mama y e mes tata.

Mama soltero mester pone respet den su cas y guia su yiunan na obediencia y mama no por ta sclavisa na alcohol of droga, ni tampoco hacido di redo, pero dedica su mes na su yiunan den e boluntad di Dios.

Den e buki di 2 Reynan capitulo 17:12, nos por mira con Dios ta uza un mama soltero (viuda) pa su Gloria cual ta e viuda di Sarepta na kende Dios a manda profeta Elias.

Den su obediencia e señora aki a ricibi gran bendicion, esaki ta nifica cu un mama soltero no tin ningun motibo di sinti su mes inferior, pero e por sirbi Dios mescos cu tur hende y ta uza pa Dios. Pasobra Dios no ta discrimina ni rechasa ningun hende.

Laga Dios su bendicion baha riba cada mama soltero y pa nan realisa cu Dios ta cu nan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.