fbpx
January 26, 2022

Disfrutando di cosecha den proyecto Hofi den Bario

Share on facebook
Share on Facebook
Share on whatsapp
Share on Whatsapp
0
0
Disfrutando di cosecha den proyecto Hofi den Bario
Disfrutando di cosecha den proyecto Hofi den Bario


Fundacion Movemento ta Bida tabata na Cas Sjabururi diamars mainta unda cu e proyecto di Hofi den Bario a cuminsa. Riba e prome dia di Aruba Doet a inaugura e Hofi den Bario.

Segun Rosa Leon, coordinado di proyecto Hunto Grandi Grandi Hunto pa Fundacion Movemento ta Bida, despues di a cuminsa cu e cultivacion, nan a cuminsa haya maishi, tambe nan a haya nan prome cosecha di patia. Ta hopi trabao pero por mira fruto di e trabao haci.

Leon ta splica cu meta di e proyecto tabata pa trece contacto social entre adulto mayor y pone nan di un manera of otro, activo fisicamente y mentalmente tambe.

Loke cu a haya di cosecha ta duna gran parti na Cas Sjabururi pasobra ta nan tereno cu nan a yuda cu ne y ta un manera pa duna nan danki como cooperacion ta regala nan e prome cosecha.

E resto nan mes ta come nan produccion. Leon ta conta cu riba tur diaranson nan ta bin den grupo riba un dia social y e cosecha cu haya ta comparti cu otro.

E proyecto aki ta sigui. El a cuminsa na mei y ta continua. Tin plan pa futuro pa haci full un pida special pa patia, unda cu esey por bende pa e proyecto por paga su mes p’e gastonan cu e tin.

Pa un cobertura mas amplio lesa e edicion di TREMPAN di awe.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.