Posted on 11/12/2021 3:05 pm AST | Updated on 11/12/2021 3:05 pm AST
DEN HAAG – Debi na e medidanan ‘nobo’ impedi diabierna pa gobierno Hulandes, e wega di futbol di cualificacion entre Hulanda y Noruega, lo tuma lugar den stadion sin publico.”Sorry, e wega ey lo ta sin publico” prome minister Hulandes Mark Rutte a bisa diabierna atardi durante e conferencia di prensa. Hulanda ta topa Noruega diamars awor pa cuarto pa 4, ora di Aruba. E wega aki tin hopi atencion na Aruba obviamente.
E SITUACION
Te cu e wega di diamars, Hulanda ta lidera su grupo G cu 19 punto, sigui pa Noruega cu tin 17 punto. Hulanda no a perde un wega ainda den su grupo. E prome di e grupo ta cualifica automaticamente pa e mundial di Qatar di otro anja.
