fbpx
January 26, 2022

PITA trahando riba plan pa duna mucha cu necesidad special mas atencion

Share on facebook
Share on Facebook
Share on whatsapp
Share on Whatsapp
0
0
PITA trahando riba plan pa duna mucha cu necesidad special mas atencion
PITA trahando riba plan pa duna mucha cu necesidad special mas atencion


Recientemente tabatin un reunion di e Plataforma Intervencion Trempan Aruba (PITA), caminda cu su miembronan a bin hunto pa asina sigui traha riba e plannan pa un proyecto piloto di intervencion trempan cu e idea pa haci esaki un plan nacional.

Director di Fundacion Autismo y alabes miembro di PITA y tambe funcionario di gobierno p’e proyecto aki, Carolina Thiel-Spaan, ta contento cu e miembronan di e plataforma a bin un biaha mas pa asina por a sinta hunto y sigui traha riba un plan di corto, medio y largo plaso pa tur tuma responsabilidad p’e proyecto aki bay dilanti y pa e muchanan cu necesidad special por haya e atencion cu nan merece, pa asina nan por yega nan potencial maximo den bida y den comunidad na Aruba.

Thiel-Spaan ta comenta cu e ta contento pa mira cu tur hende ta on board y cu tur hende tin un interes pa traha p’esaki y sigur no ta solamente e plataforma tin cu traha duro riba esaki, pero full e comunidad tin cu apoya e proyectonan aki y ta habri pa wak con leu por yega como comunidad, si scoge pa diversifica y tambe tin inclusion.

SCP: Intervencion trempan pa mucha cu necesidad special

Posted by 24ora on Friday, November 12, 2021

Pa un cobertura mas amplio lesa e siguiente edicion di TREMPAN.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.