fbpx
January 26, 2022

Caso asesinato di Sayuri Petronia den Corte

Share on facebook
Share on Facebook
Share on whatsapp
Share on Whatsapp
0
0
Caso asesinato di Sayuri Petronia den Corte
Caso asesinato di Sayuri Petronia den Corte


Diabierna den oranan di merdia Corte di Prome Instancia ta cuminsa cu tratamento di e caso di asesinato cu a tuma luga dia 4 di juni ultimo. Riba e fecha ey, den oranan di marduga, Sayuri Petronia, na su cas, a haya un tiro fatal den cabes. E tabatin apenas 20 aña di edad.

Diabierna merdia e dos hobennan, cu tempo di e sucedido tabatin 17 aña, lo ta pa prome biaha dilanti mesa berde pa e acusacion pisa aki di asesinato. Ta trata aki di Zudel Celaire, kende ademas di e asesinato tin un serie di otro caso mas contra dje mescos cu e otro acusado y Izak Principal. E lo ta un Regiezaak, unda cu abogadonan como fiscal ta haya e chens di haci peticion sea pa mas documento of pa scucha mas testigo. No necesariamente e acusadonan mester ta presente. Despues na final lo pone un fecha nobo pa tratamento profundo di e caso. E fecha nobo lo ta otro aña mirando cu memey di december Corte ta bay cu reces pa algun siman.  

Tabata riba 4 di juni cu yamada a drenta na Central di Polis un poco despues di 4’or di marduga, cu a haya un hoben den sala cu no ta duna señal di bida. Tabata trata di Sayuri Petronia, yiu di propietario di Mike’s Disco. A haya e hoben den sala na suela cu tiro den cabes. Despues di forma un team special di Recherche, a bin detene dos hoben di 17 aña, kendenan awendia ta mayor di edad.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.