fbpx
January 26, 2022

Rumannan Wouters condena na 18 aña pa mata Sammy Ignacio

Share on facebook
Share on Facebook
Share on whatsapp
Share on Whatsapp
0
0
Rumannan Wouters condena na 18 aña pa mata Sammy Ignacio
Rumannan Wouters condena na 18 aña pa mata Sammy Ignacio


Corte a yega na e conclusion cu e dos rumannan aki ta responsabel pa asesinato di Sammy Ignacio. Un delito cometi dia 15 di januari ultimo. Sinta na KIA e cuater acusadonan den e caso aki, cu ta e rumannan Wouters hunto cu Yael Frans y Wuilli Vrolijk, a scucha nan sentencia.

Pa tur e acusadonan Corte a baha e castigo compara cu loke tabata e demanda di Ministerio Publico. E conclusion ta cu Joshua Wouters ta esun responsabel pa mata Sammy na januari ultimo. Su ruman Brandon, sinta den rolstoel, a causa di un bala ricibi, ta esun cu a pidi pa tuma vengansa di loke a pasa cu ne.

Cuater hoben sentencia pa asesinato di Sammy Ignacio

Cuater hoben sentencia pa asesinato di Sammy Ignacio

Posted by 24ora on Friday, November 26, 2021

Corte a analisa detayadamente e rol cu cada un a hunga y e pruebanan cu ta demostra esaki. E dos rumannan Wouters ta responsabel pa morto di Sammy y a conclui cu esaki tabata asesinato. A planea e asesinato y tabatin suficiente tempo pa arepenti pero no a haci esey. Tur esaki tabata relaciona cu loke a pasa cu Brandon riba e anochi di 30 di juli 2019.

Na diferente ocasion el a pidi diferente hende pa tuma represalia pa loke a pasa cu ne. Y finalmente el a logra su meta riba 15 di januari 2021, ora cu su ruman Joshua a los dos tiro fatal cu a alcansa su victima den cabes.

A tene cuenta cu declaracion di Vrolijk, kende a bisa cu Joshua a bis’e bisti na preto pa bay regla algo. Yael tambe a puntra Joshua kico nan ta bay haci y e contesta tabata “spanta hende”. El a mira Joshua cu e arma den su man ora cu ya caba nan tabata na e sitio.

Tin declaracion di dos testigo cu a scucha dos tiro, a mira tres persona core bay. A duna descripcion di esun cu tabatin e arma den su man.

Resumiendo, hues a bisa: Joshua a tira Sammy mata. A kita bida di un hende, lagando su yiu y famia den tristesa, miedo y insiguridad atras, mescos cu e pueblo di Aruba. Brandon ta esun cu a pidi pa revancha y a pidi varios persona pa haci esaki p’e.
Den caso di Wuilli Vrolijk, e tabata presente ora cu a comete e crimen. A declar’e complice, pa motibo cu na momento di bay na e sitio, segun el a declara, tabata pa bringa den grupo. Frans a declara, y no tin prueba di lo contrario, a pensa cu nan ta bay na e sitio pa menasa y spanta algun hende. Pues e tambe ta complice. Como complice e castigo ta hopi menos.
Asina el a haya 18 luna mientras cu Vrolijk a haya 15 luna.

Pa rumannan Wouters, fiscal a pidi un castigo di 22 aña y Corte a condena nan na 18 aña di prizon.
Nan tin dos siman di tempo pa apela.

Pa un cobertura mas amplio lesa e edicion di TREMPAN di mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.