Diaranson anochi alrededor di 8:00 pm polis a presenta na Mangel Halto Bar p’un señora agresivo y burachi. Ta for di trempan e individuo aki tabata dal su drinks na e bar, pero na dado momento el a cuminsa bira agresivo y kier a bringa cu tur hende.
Mirando cu e no tabata soportabel mas den e bar, a bati alarma na polis pa bin atende cu ne. Na yegada di polis, mesora a bay over na detencion. Den un transporte polical a hib’e pa ward’i polis caminda lo present’e dilanti un subfiscal.
