fbpx
May 28, 2022

Colega a bay yud’e otro: Coriente di voltahe halto a dal tur dos persona

Share on facebook
Share on Facebook
Share on whatsapp
Share on Whatsapp
0
0
Colega a bay yud’e otro: Coriente di voltahe halto a dal tur dos persona
Colega a bay yud’e otro: Coriente di voltahe halto a dal tur dos persona


Polis y ambulance a yega rapidamente pa atende cu un caso delicado caminda dos persona a haya lesion serio debi cu coriente a dal nan. Esaki a tuma luga den area di Hotel na Palm Beach.

Aproximadamente 12:30 pm a bati alarma pa un incidente cu coriente di alto voltahe envolvi. Segun por a compronde na sitio, un trahado a hay’e den problema na momento cu e tabata traha cerca di un generator grandi y pa un of otro motibo, coriente a dal’e. Su colega, cu a tuma nota cu algo no tabata bon, a bin topa cu e situacion di maximo peliger aki. 

E colega a drenta den accion y purba yuda e victima pero lamentablemente tambe a hay’e den problema, ora cu coriente a dal e tambe. A pidi na prome instante un ambulance pero mirando e seriedad di e situacion a opta pa pidi un segundo ambulance pa atende cu e otro victima cu tabata tin poco dificultad pa recupera.

Tur esaki a tuma luga na Rio Antillas Hotel. Mientrastanto a pidi presencia di DTI mesora na sitio pa cuminsa un investigacion, y asina saca afo con e indicente aki por a tuma luga. A transporta ambos victima pa hospital pa tratamento medico.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.