fbpx
May 28, 2022

Leerorkest Aruba ta Presenta ‘Dande Den Klas’

Share on facebook
Share on Facebook
Share on whatsapp
Share on Whatsapp
0
0
Leerorkest Aruba ta Presenta ‘Dande Den Klas’
Leerorkest Aruba ta Presenta ‘Dande Den Klas’


Dande den Klas ta un iniciativa di meneer Jaderick Croes, docente di Leerorkest Aruba na unda tur scolnan basico lo haya un les online over di Dande. E muchanan lo haya un splicacion di e historia, diferente estilo y tambe e instrumentacion cu gruponan di Dande ta uza.

Buchi Jay hunto cu su burico cu yama Chico ta duna e lesnan y The Dande Brothers ta acompaña nan’.

Na final di e les, cada klas lo traha y canta nan propio Dande y ta pidi e docentenan di e klas pa graba un video y upload esaki ariba Facebook of Instagram uzando e hashtag #dandedenklas.

E idea ta pa colecta tur e videonan y traha un Dande virtual di tur e scolnan cu ta participa.

Leerorkest Aruba ta haya hopi importante cu muchanan mester siña di nan propio cultura. Dande ta un exprecion unico e bunita cu na comienso di aña ta desea tur hende lo miho p’e aña venidero y esaki tambe ta e deseonan di Leerorkest Aruba pa tur nos muchanan.

Leerorkest Aruba a bira realidad danki na sosten di Ministerio pa Husticia y di Siguridad di Hulanda pa medio di Leerorkest Amsterdam.

Pa mas informacion por WhatsApp Leerorkest Aruba na 593 2161 of 592 3762 of bishita nos Facebook pagina. Pasobra Musica ta pa Tur Mucha!

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.