fbpx
May 24, 2022

No ta mira pakico mester retene: Personal di ANSA ta uni n’e lucha contra 12.6%

Share on facebook
Share on Facebook
Share on whatsapp
Share on Whatsapp
0
0
No ta mira pakico mester retene: Personal di ANSA ta uni n’e lucha contra 12.6%
No ta mira pakico mester retene: Personal di ANSA ta uni n’e lucha contra 12.6%


E empleadonan di ANSA tambe a pone trabao abao. Nan ta e trahadonan cu ta traha den toren di control. Nan a sali afo pa mustra nan malcontento relaciona cu e recorte di 12.6%. Presidente di sindicato FTA, Hose Figaroa a comenta cu nan tin e mesun situacion.

ANSA den e caso aki nan no ta den servicio di gobierno mes. Sinembargo nan ta den servicio di un compania den cual gobierno ta accionista y nan tambe ta afecta den e hecho cu gobierno ta pidi pa e compania wanta 12.6% riba e entrada anual di e trahadonan.

Trahadonan di Toren na Aeropuerto tambe ta welga

Trahadonan di Toren na Aeropuerto tambe ta welga

Posted by 24ora on Wednesday, December 8, 2021

Tempo cu a haci esaki originalmente, tabata bao di e condicion cu e retencion mester ta deposita riba un fondo di FASE. Esey e tempo ey e empleadonan a acepta y door di sindicato.

Aworaki e situacion a cambia como cu no ta existi un fondo di FASE mas.

E pregunta ta pakico e retencion mester sigui tuma. Ta bisa cu a pone esaki como condicion di parti di gobierno Hulandes pa sigui duna ayudo financiero. Sinembargo sindicato y e trahadonan nunca a acepta e condicion eynan.

Loke a acepta ta pa ta solidario y ta reserva e placa aki pa yuda esunnan cu a perde trabao esta e fondo di FASE, manera cu e cartanan tabata bisa anteriormente.

Pero awo cu e fondo aki no ta existi mas, no tin base pa sigui retene esaki.

Na cierto momento prome minister pa haci esaki p’e companianan estatal pa reserva e suma aki, pero tin cu compronde con un trahado ta bay acepta cu ta reduci su salario, bay cas cu menos placa pa luna y e placa aki ta pone como reserva di compania, cual ta inaceptabel.

Si acaso e reserva aki tin un motibo su tras, manera anteriormente tabata e caso tempo cu e  tabata FASE, e situacion ta otro.

No por djis bisa cu ta retene e placa aki djis pa retene. Di parti di e trahado di e NVnan di gobierno y den e caso aki e controladonan aereo di ANSA ta bisa no.

Mirando cu no tin motibo mas pa retene e suma di placa, duna bek locual nan tabata contribui anteriormente.

Pa un cobertura mas amplio lesa e edicion di TREMPAN di mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.