fbpx
May 28, 2022

Wit Gele Kruis: Prolongacion di recorte no ta negociabel!

Share on facebook
Share on Facebook
Share on whatsapp
Share on Whatsapp
0
0
Wit Gele Kruis: Prolongacion di recorte no ta negociabel!
Wit Gele Kruis: Prolongacion di recorte no ta negociabel!


Diaranson varios departamento publico como tambe e trahadonan cu ta cay bou di un of otro fundacion, subsidia door di gobierno, a tene un accion di un ora pa expresa nan malcontento relaciona cu e 12.6% di recorte salarial. Wit Gele Kruis Santa Cruz tambe a duna yamada di e sindicatonan pa tene un Dia di Accion Nacional

Francis Bislip, trahado di WGK y shopsteward di sindicato SEPPA, a indica cu desde cu e pandemia a haci su entrada, nan tabata a sinti e efecto. Wit Gele Kruis ta un fundacion subsidia door di gobierno, es decir cu gobierno a yega kita 12.6% for di nan salario, sin puntra y sin consulta, a afecta tambe.

Bislip a sigui bisa cu e trabou di WGK no a conoce niun cambio, na comienso nan trabou a stop pa algun siman, pero despues nan a reanuda trabou y a sigui desde e dia ey nan trabou no a para. Despues di varios luna ta entrega 12.6% awo gobierno ta haya di bon di prolonga e recorte.

Wit Gele Kruis tambe den accion: No ta entrega 12.6%

Wit Gele Kruis tambe den accion: No ta entrega 12.6%

Posted by 24ora on Wednesday, December 8, 2021

Na prome instante no a consulta cu e trahadonan, nan a djis sigui cu e ‘flow’ pero esaki no ta e intencion. COVID a trece varios cambio tambe na pia di trabou. Bislip mes a conoce un cambio, e ta trahando mas di loke ta para den su descripcion di trabou y e traha mas di loke e ta wak tur luna como salario.  

Wit Gele Kruis Santa Cruz ta e Departamento di Cuido y Mayor, es decir mucha di 0 te cu 15 luna. Nan tin e departamento di cuido post-natal na cas, esun cu ta baña e baby na cas y wak con e mama a sigui. Nan ta un departamento cu hopi responsabilidad. 

Ya caba prome cu pandemia, e situacion tabata dificil, aworaki ta mas pio. Tur luna e trahadonan mester wak con nan ta rek e placa manera un kakiña, placa no ta yega mes mas. Lo ta ideal pa gobierno debolbe e 12.6% bek, pero gobierno no kier tende. No tin espacio mas pa negocia, pa papia.

Pa un relato mas amplio, lesa TREMPAN di mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.